Yeremías 45 - Papiamentu Bible 2013

Un palabra di konsuelo pa Barug

¹ Den e di kuater aña ku Yoyakim, yu di Yosías, tabata rei di Huda, Yeremías a bisa Barug, yu di Neria, ku a skibi tur loke e profeta a dikt'é:

^2-3 ‘Bo ta keha: “Kos ta basta malu pa mi kaba i tòg SEÑOR ta basha mas mizeria riba mi. Mi no por mas! Mi ta blo keha i sinembargo mi no tin pas!” Pero, Barug, SEÑOR Dios di Israel ta manda bisa bo:

⁴ “Mira akí! Ami, SEÑOR, ta na punta di kibra loke Mi a konstruí i ranka loke Mi a planta. Esei ta konta pa henter mundu.

⁵ Akaso ábo ta pretendé ku bo meresé un trato preferensial? Lubidá, pasobra e desasternan ku Mi ta bai okashoná, lo baha riba tur ser bibu. Pero Ami, SEÑOR, ke bisa bo un kos so: Unda ku bo bai, lo bo no pèrdè bo bida sí.” ’