Salmo 98 - Papiamentu Bible 2013

SALMO 98 Dios ta rei, un guerero viktorioso

Un Salmo.

¹ Kanta pa SEÑOR un kanto nobo: El a hasi milager; su man fuerte, su brasa santu a trese viktoria!

² SEÑOR a revelá su salbashon, su hustisia na tur pueblo,

³ rekordando su amor i fieldat ku pueblo di Israel. Tur skina di mundu a mira viktoria di nos Dios!

⁴ Kanta kontentu pa SEÑOR, henter mundu, grita, hubilá, kanta himno.

⁵ Kanta himno pa SEÑOR, toka siter, toka siter, pik e kuèrdènan.

⁶ Riba tono di kachu i tròmpèt hubilá Rei i SEÑOR.

⁷ Laga laman i su rikesa alsa bos, mundu i tur su habitantenan;

^8-9 riunan tin ku bati man serunan uni tur huntu pa kanta gloria di SEÑOR, pasobra E ta yega pa dikta sentensia riba mundu. Mundu i nashonnan lo E husga ku derecho imparsial.