Salmo 82 - Papiamentu Bible 2013

SALMO 82 Ni maske un hende ta kere e ta dios, ta ún so tin!

Salmo di Asaf.

¹ Dios ta pará den konseho dibino meimei di diosnan E ta dikta sentensia.

² ‘Ki dia boso ta stòp di saka sentensia falsu i di skohe banda di malbadonan?

³ Hasi hustisia na pober i wérfano, defendé hende den apuro i sin amparo.

⁴ Libra hende débil i pober, ranka nan for di man di mal hende.’

⁵ Nan no sa ni nan no ta komprondé, ta den skuridat nan ta kana; tur fundeshi di mundu ta tembla.

⁶ Mi di: ‘Boso ta dios, yu di Altísimo, tur?

⁷ Sinembargo boso lo muri manera hende i boso lo kai manera kualke mandatario!’

⁸ Lanta, o Dios, husga mundu, pasobra Bo ta doño di tur pueblo.