Salmo 8 - Papiamentu Bible 2013

SALMO 8 Dios ta koroná hende ku gloria i honor

Pa maestro di kanto. Na weis di Gat. Salmo di David.

¹ O SEÑOR, nos Dios, esta glorioso bo nòmber ta den mundu henter! Sí, bo splendor ta alsá te riba shelu!

² Pa boka di mucha i yu na lechi Bo ta lanta bo poder, pa bo atversarionan sa, pa enemigu i rebelde keda ketu.

³ Mirando bo shelu, trabou di bo dedenan, luna i streanan ku Bo a fiha ayá,

⁴ kiko hende ta pa Bo kòrda riba dje, yu di hende pa Bo sinti p'e?

⁵ Bo a hasié poko ménos ku un dios, Bo a koron'é ku gloria i honor;

⁶ Bo a pon'é manda riba obra di bo man, tur kos Bo a buta bou 'i su pia:

⁷ bestia chikí i baka, tur huntu, i tambe bestia di mondi,

⁸ para di shelu, piská den laman, loke ta krusa kaminda di awa.

⁹ O SEÑOR, nos Dios, esta glorioso bo nòmber ta den mundu henter!