Salmo 70 - Papiamentu Bible 2013

SALMO 70 SEÑOR, no tarda pa yuda mi

Pa maestro di kanto. Di David. Pa konmemorá.

¹ Dios, sea mi yudansa, SEÑOR, hasi lihé yuda mi.

² Laga esnan ku ke kaba ku mi bida keda brongosá i humiliá; laga nan ku ke mira mi desgrasia hal'atras yen di bèrgwensa.

³ Esnan ku ta bisa mi: ‘Drechi pa bo!’ laga nan mes retirá di bèrgwensa.

⁴ Mare esnan ku ta buska Bo por gosa i haña nan legria den Bo i esun ku deseá pa Bo salb'é bisa: ‘SEÑOR ta grandi!’

⁵ Ma ami, pober, mizerabel, — o Dios, bini lihé serka mi. Bo ta mi yudansa i Salbador, SEÑOR, no tarda!