Salmo 64 - Papiamentu Bible 2013

SALMO 64 Mal hende, komprondé ku Dios ta aktua

Pa maestro di kanto. Salmo di David.

¹ Skucha mi, o Dios, mi ta keha ku bos duru, warda mi bida di menasa di enemigu.

² Skonde mi for di e kuèrdè di hende perverso, di e stèl di hasidó di maldat,

³ ku a mula nan lenga manera ta spada, ta mek nan flechanan — palabranan skèrpi —

⁴ pa tira den skondí riba hende inosente, pa koh'é di sorpresa sin kore ningun riesgo.

⁵ Nan ta tribi hasi nan kosnan di maldat, nan ta kònkel kon ta arma trampanan skondí, anto nan ta bisa: ‘Ken lo haña sa?’

⁶ Nan ta traha nan plannan kriminal i ta bisa: ‘Ata nos a plania un krímen perfekto!’ Sí, hende su paden, su kurason ta insondabel.

⁷ Te ora Dios kohe nan — ún flecha, i ata nan ta kubrí ku herida.

⁸ Nan ta laga nan mes lenga hinka nan den pèrdishon; tur ku ta mira esei ta sakudí nan kabes,

⁹ tur hende ta yena ku rèspèt i ta konta kon Dios a obra aki; nan ta komprondé ku ta Dios su trabou.

¹⁰ Esun ku biba drechi lo alegrá den SEÑOR i lo buska su refugio serka djE. Laga tur hende di bon intenshon kanta, hubilá di alegria.