Salmo 53 - Papiamentu Bible 2013

SALMO 53 Maldat i korupshon ta reina tur kaminda

Pa maestro di kanto. Na weis di ‘Mahalat’. Poema didáktiko di David.

¹ Hende bobo ta bisa den nan mes: ‘Ai nò, no tin Dios!’ Kos mahos i teribel nan ta hasi, ningun n' ta hasi bon.

² Dios ta mira abou for di shelu riba yunan di hende, pa weta si tin un ku tin sintí i ku ta buska Dios.

³ Pero tur a kohe mal kaminda, tur a daña pareu. Nò, ningun no ta hasi bon, ni sikiera ún.

⁴ Ma nan no sa nada antó, e hasidónan di maldat, ku ta kome mi pueblo bibu komo si fuera ta pan i ku nunka no ta resa na Dios?

⁵ Te ora ku nan tembla di sustu, di sustu sin motibu, pasobra Dios ta plama wesunan di esnan ku ta sera bo aden; kon bo ta brongosá nan: pasobra Dios ta rechasá nan!

⁶ O, mare salbashon di Israel por bini di Sion! Ora Dios kambia suerte di su pueblo, Yakob lo keda kontentu, Israel lo ta di fiesta!