Salmo 3 - Papiamentu Bible 2013

SALMO 3 SEÑOR ta ku mi

Salmo di David. Ora e mester a hui pa su yu Absalon.

¹ SEÑOR, kuantu opresor mi tin, hopi a lanta kontra mi!

² Kuantu tin ku a bisa mi: ‘P'e lo no tin salbashon serka Dios!’

³ Ma Abo, SEÑOR, mi eskudo i protekshon, mi gloria, Bo ta hisa mi kara!

⁴ Si mi sklama na SEÑOR ku bos altu, E ta skucha mi fo'i su seru sagrado.

⁵ Mi por kai drumi, pega soño i bolbe spièrta: SEÑOR ta duna mi su sosten.

⁶ Mi no tin miedu ni di dies mil enemigu ku sera nan fila rònt di mi.

⁷ Lanta, SEÑOR! Salba mi, mi Dios! Bo ta bòfta tur mi enemigunan, Bo ta kibra djente di mal hende.

⁸ Viktoria ta bini di SEÑOR. Bo bendishon baha riba bo pueblo!