Salmo 138 - Papiamentu Bible 2013

SALMO 138 Grandi ta SEÑOR su mahestat i fieldat

Di David.

¹ Mi ke alabá Bo di henter mi kurason, kanta bo alabansa dilanti di e diosnan.

² Mi ke bùig pa bo tèmpel santu, mi ke duna grasia na bo nòmber pa motibu di bo amor i fieldat, pasobra Bo a laga bo promesa surpasá bo renombre di ántes.

³ Ora m'a yama Bo Bo a skucha, B'a duna mi ánimo i forsa.

⁴ Tur rei di mundu, SEÑOR, lo alabá Bo dia nan tende bo Palabra

⁵ i lo kanta di SEÑOR su desishonnan: ‘Grandi ta SEÑOR su mahestat!’

⁶ Sí, maske SEÑOR ta elevá, E ta mira un hende humilde i djaleu ta vigilá un orguyoso.

⁷ Kada be ku mi haña mi den peliger Bo ta mantené mi na bida; Bo ta hisa man kontra furor di enemigu, bo man drechi ta duna mi salbashon.

⁸ SEÑOR lo kumpli ku tur esei pa mi: SEÑOR, bo fiel amor ta eterno! No lubidá e obra di bo man.