Salmo 133 - Papiamentu Bible 2013

SALMO 133 Esta dushi di ta ruman i biba den union!

Kantika di peregrinashon. Di David.

¹ Esta bon, esta dushi di ta ruman i biba huntu den union!

² Esei ta zeta perfumá riba kabes, ku ta kore pasa barba, sí, barba di Aaron, yega te na krag di su bistí.

³ Ta manera serena di Hermon, ku ta kai riba Seru di Sion. Pasobra SEÑOR a manda ku aya lo tin bendishon, bida pa tur eternidat!