Salmo 131 - Papiamentu Bible 2013

SALMO 131 Serka SEÑOR mi ta na pas manera un yu serka su mama

Kantika di peregrinashon. Di David.

¹ SEÑOR, mi kurason no ta sobèrbè ni mi bista no ta arogante; mi n' ta kore tras di kosnan muchu grandi ni mi no ta gara muchu altu.

² Mi anshanan a kalma den mi, mi kurason a bira tur trankil. Manera un yuchi ku a kaba di bebe i ta drumi den skochi di su mama, un yu ku a kaba di bebe: asina mi alma ta den mi.

³ Spera den SEÑOR, o Israel, awor i te den tur eternidat.