Salmo 13 - Papiamentu Bible 2013

SALMO 13 Te ki dia, SEÑOR?

Pa maestro di kanto. Un salmo di David.

¹ Te ki dia, SEÑOR, Bo ta sigui lubidá mi? Te ki dia sigui skonde bo Kara pa mi?

² Te ki dia lo mi sigui karga pena den mi alma, mi kurason yen di tristesa dia aden dia afó? Te ki dia mi enemigu lo keda despresiá mi?

³ SEÑOR mi Dios, mira mi, rospondé mi. Yena mi wowo ku lus pa mi no pega soño di morto;

⁴ pa mi enemigu no bisa: ‘Awor mi tin poder riba dje’, i mi opresornan no gosa ora mi ta serka di kai.

⁵ Ma ami, mi ta konfia den bo grasia, mi kurason ta hubilá bo salbashon.

⁶ Mi ke kanta gloria di SEÑOR: ‘El a trata mi bon!’