Salmo 128 - Papiamentu Bible 2013

SALMO 128 Obediensia na SEÑOR ta paga

Kantika di peregrinashon.

¹ Felis t'esun ku ta honra SEÑOR, ku ta sigui su kaminda.

² Lo bo kome di trabou di bo man, felis bo ta, lo bai bo bon.

³ Bo esposa: un mat'i wendrùif bon kargá meimei di bo kas; bo yunan: spreitnan di oleifi rònt di bo mesa.

⁴ T'esei t'e bendishon di un hòmber ku ta sirbi SEÑOR.

⁵ SEÑOR bendishoná bo for di Sion; mare bo por mira prosperidat di Herusalèm tur dia di bo bida.

⁶ Ohalá bo mira yunan di bo yunan. Pas pa Israel!