Salmo 126 - Papiamentu Bible 2013

SALMO 126 Kòrda Bo milagernan di ántes, SEÑOR

Kantika di peregrinashon.

¹ Dia SEÑOR a laga pueblo di Sion bolbe kas fo'i destiero, a parse un soño.

² Nos a pone kara harí i a kanta di alegria. Otro pueblonan a bisa: ‘Kos grandi SEÑOR a hasi ku nan!’

³ SEÑOR a hasi kosnan grandi, bèrdè! Kon kontentu nos a keda!

⁴ SEÑOR, kambia nos suerte manera awa un desierto.

⁵ Es ku sembra ku awa na wowo lo kosechá kantando.

⁶ Bai e ta bai na yoramentu, kargando koto di simia, ma e ta bolbe, biniendo ku kanto, kargando bòshi di maishi.