Salmo 121 - Papiamentu Bible 2013

SALMO 121 SEÑOR ta perkurá pa bo

Kantika di peregrinashon.

¹ Mi ta alsa mi bista na serunan: di unda mi yudansa lo bini?

² Mi yudansa ta bini di SEÑOR ku a traha shelu i tera!

³ E ta warda bo pia pa bo n' slep; bo Wardador, E no ta kabishá.

⁴ Nò, e Wardador di Israel lo no kabishá ni drumi.

⁵ SEÑOR ta bo Wardador, SEÑOR ta bo sombra na bo lado.

⁶ Den dia solo lo no molestiá bo, ni luna den oranan di anochi.

⁷ SEÑOR ta warda bo di tur malu, sí, E ta spar bo bida.

⁸ E ta warda bo entrada i salida for di awor te den tur eternidat.