Salmo 12 - Papiamentu Bible 2013

SALMO 12 SEÑOR, protegé nos kontra hende malbado i gañadó

Pa maestro di kanto. Na di ocho weis. Salmo di David.

¹ Ousilio, SEÑOR, pasobra fielnan a kaba, ya sinseridat a disparsé fo'i den hende.

² Kada ken ta gaña su próhimo hasi trastu: kuchú di dos banda!

³ SEÑOR ta tapa e boka yen di trastu, E ta mara e lenga ku ta blòf,

⁴ nan ku ta bisa: ‘Nos lenga ta nos arma, nos lepnan nos defensa — ken ta stòp nos?’

⁵ ‘Ta pa motibu di opreshon di humildenan i gritu di ousilio di pobernan Mi ta lanta awor,’ SEÑOR ta bisa, ‘lo Mi salba esun ku tin deseo.’

⁶ SEÑOR su palabranan ta limpi, plata, dirtí den krosèt den tera, purifiká te asta shete bia.

⁷ SEÑOR, Abo kumpli ku nan, warda nos pa semper di e hendenan ei.

⁸ Malbadonan ta kana tur kaminda i bagamunderia ta haña un lugá di honor serka hende.