Salmo 113 - Papiamentu Bible 2013

SALMO 113 Alabá sea bo nòmber, SEÑOR! Bo ta bon pa hende humilde

¹ Sirbidónan di SEÑOR, alabá, sí, alabá SEÑOR su nòmber.

² Alabá sea nòmber di SEÑOR for di awor te den tur eternidat.

³ Fo'i salida di solo te k'e baha SEÑOR su nòmber mester ta alabá.

⁴ SEÑOR ta altu elevá riba tur pueblo, su gloria altu riba shelu.

⁵ Ken ta manera SEÑOR nos Dios, ku ta biba aya den altura;

⁶ ku ta wak te den fondo abou pa mira shelu i tera;

⁷ ku ta hisa hende pober fo'i den stòf, ta lanta un mizerabel for di sushi,

⁸ pa pon'é sinta band'i hende importante, band'i hendenan altu di pueblo;

⁹ ku ta duna un ama ku n' por fruta un lugá di honor den su kas komo mama kontentu di su yunan! Alabá sea SEÑOR!