Salmo 111 - Papiamentu Bible 2013

SALMO 111 Mi ta alabá Bo, Dios, pa tur bo obranan

¹ Mi ke gaba SEÑOR di kurason, den kompania, den reunion di fielnan.

² Grandioso ta SEÑOR su obranan, digno di estudio pa ken ku stima nan.

³ Su aktuashon ta sublime, glorioso, su hustisia ta dura pa semper.

⁴ E ke pa hende rekordá su milagernan, SEÑOR ta tierno i yen di kompashon.

⁵ El a duna su fielnan alimento, rekordando su aliansa eternamente.

⁶ El a mustra su pueblo su obranan potente, tempu El a duna nan pais di otro pueblonan.

⁷ Loke E ta hasi ta korekto, manera mester ta, tur su mandamentunan ta digno di konfiansa;

⁸ nan ta fiho i ta konta pa tur eternidat, duná ku derecho i di akuerdo ku bèrdat.

⁹ El a duna su pueblo libertat, a ordená su aliansa pa semper. Su nòmber ta ‘Dios Santu i temibel’.

¹⁰ Prinsipio di sabiduria ta: karga rèspèt pa SEÑOR; tur esnan ku hasi esei tin sano huisio. Alabansa di Dios lo n' kaba nunka.