Salmo 100 - Papiamentu Bible 2013

SALMO 100 Aserká Dios ku kantika di alegria

Un Salmo. Pa alabá.

¹ Kanta kontentu pa SEÑOR, henter mundu;

² sirbi SEÑOR ku alegria, aserk'É ku kantikanan di fiesta.

³ Rekonosé ku SEÑOR ta Dios, t'É a krea nos i nos ta di djE; nos ta su pueblo, karnénan k'E ta kuida.

⁴ Drenta su portanan ku gradisimentu, drenta su tèmpel ku kantika di alabansa, glorifik'É, bendishoná su nòmber.

⁵ Bèrdat, esta bon SEÑOR ta! Su amor ta dura pa semper i su fieldat te den siglo di siglonan.