Job 25 - Papiamentu Bible 2013

Di tres diskurso di Bildad E lugá humilde di hende den e grandioso plan di Dios

¹ E ora ei Bildad di Sua a rospondé:

² ‘Dios su poder soberano ta temibel, E ta imponé òrdu den shelunan di mas altu.

³ Hende por konta su trupanan? Tin huki skondí kaminda su lus no ta penetrá?

⁴ Antó kiko un hende mester hasi awor, pa Dios deklar'é hustu? Kon un hende, nasé di muhé, por ta puru?

⁵ Den bista di Dios ni luna mes no ta bria basta kla, ni streanan tampoko.

⁶ Ki ta para pa hende? Bichi e ta! E shuri akí? Lèbèlèbè 'i bichi e ta!’