Ester 10 - Papiamentu Bible 2013

Fama di Mordekai

¹ Rei Xèrxès a laga tur pais di tera firme i tambe tur isla di su reino paga belasting.

² Tur su echonan grandi i poderoso, i tambe e detayenan di e posishon altu ku el a duna Mordekai ta skibí den krónikanan di Media i Persia.

³ Mordekai, e hudiu, tabata esun ku mas poder despues di rei Xèrxès. E tabata respetá serka e hudiunan i popular serka su famia numeroso, pasobra e tabata bringa pa su pueblo bai dilanti i e tabata buska pas pa tur nan desendientenan.