1 Krónikanan 2 - Papiamentu Bible 2013

Yunan di Yakob

¹ Israel tabatin diesdos yu hòmber: Ruben, Simeon, Levi, Huda, Isakar, Zebulon,

² Dan, Jozef, Benhamin, Naftali, Gad i Asher.

Desendientenan di Huda

³ Huda tabatin sinku yu hòmber. Tres di nan e tabatin ku yu di Shua, un muhé di Kanaan: Er, Onan, i Shèla. Pero Er, e yu mayó, tabata hiba un bida ku SEÑOR no tabata gusta; ta p'esei El a lag'é muri.

⁴ E dos otronan, Pèrès i Zèrag, e tabatin ku Tamar, biuda di su yu Er.

⁵ E yunan di Pèrès tabata Hèsron i Hamul.

⁶ Zèrag tabatin sinku yu hòmber: Zimri, Etan, Heman, Kalkol i Dera. Yu hòmber di Zimri tabata Karmi.

⁷ Un di e yu hòmbernan di Karmi tabata Akar ku a trese desgrasia riba Israel, pasobra el a hòrta algu for di e kosnan ku tabata destiná pa SEÑOR.

⁸ Etan tabatin un yu hòmber ku yama Azarías.

⁹ E yu hòmbernan di Hèsron tabata Yeragmeel, Ram i Kaleb.

Desendientenan di Ram

¹⁰ Ram tabata tata di Aminadab i Aminadab tabata tata di Nagshon, hefe di tribu di Huda.

¹¹ Nagshon tabata tata di Salma i Salma tata di Boaz.

¹² Boaz tabata tata di Obed i Obed tata di Ishai.

¹³ Ishai tabatin shete yu hòmber: Eliab, su yu mayó, Abinadab, Shima,

¹⁴ Netanel, Radai,

¹⁵ Osèm i David.

¹⁶ Nan ruman muhénan tabata Seruya i Abigail. Seruya tabatin tres yu hòmber: Abshai, Yoab i Asael.

¹⁷ Abigail a haña un yu hòmber, yamá Amasa, ku un ismaelita yamá Yètèr.

Desendientenan di Kaleb

¹⁸ Kaleb, yu di Hèsron, tabatin ku Azuba i ku Yeriot e siguiente yu hòmbernan: Yeshèr, Shobab i Ardon.

¹⁹ Despues ku Azuba a muri, Kaleb a kasa ku Efrata. Nan a haña un yu hòmber, Hur.

²⁰ Hur tabata tata di Uri i Uri tabata tata di Besalel.

²¹ Ora Hèsron, tata di Kaleb, tabatin sesenta aña, el a kasa ku yu di Makir, tata di Guilead. Nan a haña un yu hòmber Segub.

²² Segub tabata tata di Yair, ku tabata goberná bintitres siudat, yamá e pueblonan di Yair, den region di Guilead.

²³ Pero e paisnan bisiña Gueshur i Aram a kita nan for di dje; nan a kita tambe siudat Kenat ku e pueblonan ku ta pertenesé na dje, na tur sesenta lugá, ku un tempu tabata pertenesé na Makir, tata di Guilead.

²⁴ Despues di morto di Hèsron na Kaleb-Efrata, Abía, kasá di Hèsron, a haña un yu hòmber, Ashur. Ashur a funda Tekoa.

Desendientenan di Yeragmeel

²⁵ Yeragmeel, yu mayó di Hèsron, tabatin sinku yu hòmber: Ram, e yu mayó, Buna, Orèn, Osèm i Ahías.

²⁶ Yeragmeel tabatin un kasá mas ku yama Atara. Atara tabata mama di Onam.

²⁷ Ram, e yu mayó di Yeragmeel, tabatin tres yu hòmber: Maas, Yamin i Ekèr.

²⁸ Onam tabatin dos yu hòmber: Shamai i Yada. Shamai tabatin dos yu hòmber: Nadab i Abishur.

²⁹ Kasá di Abishur tabata yama Abihail, e tabata mama di Agban i Molid.

³⁰ Nadab tabatin dos yu hòmber: Sèlèd i Apaim. Sèlèd a muri sin tabatin yu nunka.

³¹ Apaim tabata tata di Yishi, Yishi tata di Sheshan i Sheshan tata di Aglai.

³² Yada, ruman di Shamai, tabatin dos yu hòmber: Yètèr i Yonatan. Yètèr a muri sin tabatin yu nunka.

³³ Yonatan tabatin dos yu hòmber: Pèlèt i Zaza. Esakinan tabata desendientenan di Yeragmeel.

³⁴ Sheshan, yu di Yishi, no tabatin yu hòmber, solamente yu muhé. E tabatin un egipsio den su servisio yamá Yarha.

³⁵ Sheshan a duna Yarha un di su yunan komo esposa. Nan a haña un yu hòmber, Atai.

³⁶ E desendientenan di Atai di tata pa yu tabata: Natan, Zabad,

³⁷ Eflal, Obed,

³⁸ Yehu, Azarías,

³⁹ Hèlès, Elasa,

⁴⁰ Sismai, Shalum,

⁴¹ Yekamías i Elishama.

Otro lista di desendiente di Kaleb

⁴² E yu mayó di Kaleb, ruman hòmber di Yeragmeel, tabata yama Mesha. Mesha tabata fundadó di Zif. Un otro yu hòmber tabata Maresha, fundadó di Hebron.

⁴³ E kuater siudatnan, Korag, Tapuag, Rèkèm i Shema tabata pertenesé na Hebron.

⁴⁴ Shema su yu hòmber tabata Raham, fundadó di Yorkaam. E yu hòmber di Rèkèm tabata Shamai

⁴⁵ i esaki su yu hòmber tabata Maon, fundadó di Bet-Sur.

⁴⁶ Kaleb tabatin un konkubina, Efa, i e tabatin tres yu hòmber kuné: Haran, Mosa i Gazez. Haran tabata tata di Yadai.

⁴⁷ Yadai tabatin seis yu hòmber: Règèm, Yotam, Gueshan, Pèlèt, Efa i Shaaf.

⁴⁸ Kaleb tabatin un konkubina mas, un tal Maaka, i e tabatin dos yu hòmber kuné: Shèbèr i Tirhana.

⁴⁹ Despues Maaka a haña Shaaf, fundadó di Madmana i Shewa, fundadó di Makbena i Guiba. Kaleb tabatin un yu muhé tambe, yamá: Aksa.

⁵⁰ Aki ta sigui mas desendiente di Kaleb. E yu hòmber mayó di Kaleb ku su kasá Efrata tabata Hur. E yu hòmbernan di Hur tabata: Shobal, fundadó di Kiriat-Yearim.

⁵¹ Salma, fundadó di Betlehèm i Haref, fundadó di Bet-Gadeer.

⁵² Poblashon di Haro i mitar di e habitantenan di Manahat tabata desendiente di Shobal, fundadó di Kiriat-Yearim.

⁵³ E famianan Yètèr, Put, Shuma i Mishra a bini di Kiriat-Yearim. I for di e famianan akí e habitantenan di Sora i Eshtaol a bini.

⁵⁴ E desendientenan di Salma tabata habitante di Betlehèm, Netofa i Atrot-Bet-Yoab, e otro mitar di e habitantenan di Manahat, e hendenan di Sora,

⁵⁵ famianan bibá na Yabèsh ku tabata dediká nan mes na arte di skibi i e famianan Tira, Shima i Suka. Nan tabata kenita ku tabata desendiente di Hamat, fundadó di Bet-Rekab.