Zekaria 13 - KITAABA WAAQA

¹ AABBO Waaqi Guddaani waan jed'u, Gaafa guyyaani suni gahe, madda ilmaani Dauditifi worra Yerusalemu dabafi t'uri iraa qulqulleesitu banani.

² Gaafasi anini maqa waan harkaani boch'ani kad'atani kaani lafa keesa balleesa, nami tokoleeni deebie inqaabatu. Anini ammalle nama raaga ufi tolchufi herega waan boch'ani kad'ataniini kad'atani lafa keesaa balleesa.

³ Duuba yo nami tokoleeni ammalle aka raaga ufi tolche, abbaafi haati isa d'alte waan isaani jettu, Atini duu malte, jiraachu himmalle, waan atini maqa AABBO Waaqatini d'ara dubbatteefi. Hojja inni wo himu, abbaafi haati isa d'alte isa woraante ijeefti.

⁴ Hojja guyyaani sunini gahe, raagi tokoleeni ka, Anini daayya arge jed'e kiyyibu injiru, yokhaani ka raaga ufi tolche woya raagaa keeyate nama sobu injiru.

⁵ Ammo inni waan jed'u, Anini raaganiti, anini nama lafa qotu, haguma d'alad'e anini nama oobru qotu.

⁶ Duuba hojja nami isi gaafate, Mamadaani qoma ira si jirtu tunini maani? jed'e, inni waan jed'uuni, Anini mana jaalani tiyya keesati akana madae jed'a.

Aka tissitu Waaqaa ijeesa jed'ani

⁷ AABBO Waaqi Guddaani waan jed'u, Goraade, kai, tissitu tiyya, ta ree naa tissitu, had'i ijeesi; duuba reeni gargari bitinoofti. Anini gumi tiyya had'a,

⁸ duuba lafa tana ch'ufa keesa nama sadi keesaa nama lama balleesani.

⁹ Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.