Zekaria 1 - KITAABA WAAQA

Aka AABBO Waaqi gumi ufiitini, Nati deebia jed'e

¹ Jia saddeeteeso, ka ganna lameeso, haga Darioni hayyu tahe, dubbini AABBO Waaqaa raaga Zekaria, ilma Berekia, ka ilma Idoti d'ufte waan jette,

² AABBO Waaqi Guddaani guddo ababoota teesaniti dallane.

³ Tanaafi amma waan worraani jettu, AABBO Waaqi Guddaani waan jed'u, Nati deebia, anileeni isaniti deebia.

⁴ Aka ababoota teesani intahiina. Duri duri raagooti waan worraani jette, Kara hamafi huji hamtu iraa deebia, ammo worri ch'aqase naa insaalfanne.

⁵ Ababooti teesani suni meeti? Raagootileeni haga jiru jireenna inteeti?

⁶ Raagoota hojattu tiyyatiini anini ababoota teesani seerafi aada tiyya barsiise gorse, ammo worri ch'aqasu dide gaargala argate. Jennaani worri iraa deebie waan jed'e, AABBO Waaqi Guddaani, akuma inni herege, waan jireenna keennafi hujiini teenna malteefi nu tolche.

Fardoole raagi daayyani arge

⁷ Ganna lameeso haga Darioni hayyu tahe, guyya diddami afreeso, ka jia kud'ani tokeeso (jia Shebati), dubbini AABBO Waaqa raaga Zekaria, ilma Berekia, ka ilma Idoti d'ufte. Duuba Zekariani waan jed'e,

⁸ Anini halkani daayya keesa nama farda daama iraa tau, ka jiddu mukha doti bale keesa eju, arge. Isa duddaduuba fardoole d'ibi — daama, daamicha, bororati jira.

⁹ Jennaani anini waan jed'eeni, Aabbo, fardi kuni maani? Jennaani malaikaani naani dubbate waan naani jette, Anini waan isaa si garsiisa.

¹⁰ Jennaani namichi jiddu mukha doti eju kaani waan jed'e, Kunini farda AABBO Waaqi abuuru lafa keesa erge.

¹¹ Worri waan malaika AABBO Waaqatini jed'e: Nu lafa ch'ufa ya abuuru keesa yaane, lafti nagaya bad'aad'a.

¹² Jennaani malaikaani AABBO waan jette, Ee AABBO Waaqa Gudda, atini haga ganna torbatama asi Yerusalemufi dira Yuda ch'ufati dallante, ammo amma yoomi naataafi?

¹³ AABBO Waaqi malaika naani dubbatte taani dubbi dansa iti dubbate,

¹⁴ malaikaleeni waan naani jette, Iyyi, odeesi, AABBO Waaqi Guddaani waan jed'u, Anini Yerusalemu, dira kiyya qulqullo, injaalad'a,

¹⁵ ammo gosa d'ibi ta nagayaani teetu guddo iti dallana. Wonti akanatiifi ato anini gumi tiyyati guddo indallaniini, gochiti suni gaargala gumi tiyyati guddifte.

¹⁶ Tanaafi anini amma dira Yerusalemuu deebie nahaafi. Mana kiyya ka iti na kad'atani deebiani jaarani, dirale jaarani.

¹⁷ Ammalle malaikaani waan naani jette, Iyyi, waan atini jettu, AABBO Waaqi Guddaani waan jed'u, Diri kiyya ammalle deebie wo horata, AABBO Waaqi ammalle Yerusalemu qarqaare dira ufii tolfata.

Gaafa looni ka daayyani argani

¹⁸ Daayya d'ibi keesa anini gaafa looni afuri arge.

¹⁹ Duuba anini malaika naani dubbattu taanini waan jed'e, Gaafi kunini maani? Isiini waan naani jette, Kunini gaafa Yudafi Israelifi Yerusalemu gargari baasu.

²⁰ Jennaani AABBO Waaqi tumtu afuri na agarsiise.

²¹ Duuba anini, Worri kunini maani tolchu d'ufe? jed'e isa gaafad'e. Inni waan naani jed'e, Gaafi kunini ka worra Yuda gargari baasu, aka nami tokoleeni olinejine. Ammo tumtuni tunini gosa duri lafa Yuda balleesite sodaachiifte balleesu d'ufte.