Yoshua 24 - KITAABA WAAQA

¹ Jennaani Yoshuani gosa Israeli ch'ufa Shekemuti wolti yaame, jaarole, worra gugurda, makalootafi jaallaboota ch'ufa; duuba worri Waaqa durati artiti wolti bahe.

² Yoshuani waan biyyaani jed'e wonti AABBO Waaqi Israeli jed'u tana: Duri ababooti teesani galaana Frati gama suni teete waaqa d'ibi kad'atte. Ababoota teesani suni toko abba Abrahamutifi Nahori ka Tera jed'ani.

³ Jennaani anini Abrahamu ababo keesani lafa galaana Frati gamaati fuud'e, dura deeme lafa Kanaanitini d'ufe ilmaani heddu kenneefi. Anini Isaaqo isaa kenne,

⁴ Isaaqolee Yakoboofi Esau kenne. Esau, lafa Edomu ta gaareeni d'aala kenneefi, ammo ababooni keesani Yakobooni, ilmaani isaa woliini lafa Misiri d'aqe.

⁵ Eegi suni anini Musafi Haruni erge, lafa Misiri gaargala gudda iti buuse keesaa isani baase.

⁶ Anini ababoota teesani lafa Misiri keesaa baamnaani worri Misiri gaari fardi hirkisufi worra farda yaabatuuni reebe galaana Diimani bahe.

⁷ Jennaani ababooti teesani AABBO Waaqati boonnani inni jiddu worraatifi worra Misiri dukana kaye, bisaani galaana worra Misiri ira deebise. Isanileeni waan suni ya argitani. Isani lafa aloo ta gamooji ganna heddu teetani.

⁸ Jennaani anini lafa Amori worra galaana Yordani gama ilaboru tautiini isani d'ufe. Worri isani had'e ammo anini worra harka keesaniti kenne; duuba anini isani durati worra, balleese, lafa worraa fud'attani.

⁹ Jennaani hayyuuni Moabu Balakini, ilmi Sipori, kae isani had'e. Inni qonqo gara Balamu ilma Beori erge, kooti worra kana abaari jed'e.

¹⁰ Ammo anini Balamu ch'aqasu dide, tanaafi inni isani eebise akanaani harka Balaki keesaa isani baase.

¹¹ Duuba isani galaana Yordani taakinaani, dira Yeriko d'uftani, worri Yerikoleeni isani had'e akasuma worri gosa Amori, ka Perezi ka Kanaani, ka Hiti ka Girgashi, ka Hivi, ka Yebusileeni isani had'e. Ammo anini worra ch'ufa harka keesaniti kenne, isani worra dabsatani.

¹² Aka soonsi nama rifachiisu anini worra isani dura rifachiise, hayyoota Amori lamaani isani duraa gusse ka isani t'iyaafi guube teesaniini woma intolchine.

¹³ Anini lafa isani inqotatini yokhaani dira isani injaaratini isanii kenne, amma tana isani lafafi dira suni keesa teetani, mid'aani zabibutifi mid'aani ejersa, ka isani taka inoobrini nyaattani.

¹⁴ Duuba Yoshuani ammalle waan jed'eeni, AABBO Waaqa sodaad'a d'ugaafi garaa tokooni isa hojad'a. Waaqoota d'ara ka ababooti teesani duri galaana Frati gammafi lafa Misiri keesati kad'atte d'id'imati d'aa, AABBO Waaqa ch'alla hojad'a.

¹⁵ Yo isani AABBO Waaqa hojachu diddani arra ka hojattani fohad'a, yokhaani waaqoota d'ara ka ababooti teesani duri lafa galaani Frati gama kad'atte, yokhaani waaqoota d'ara ka worra Amori, ka amma isani lafa worra keesa teetani: Ammo anaafi worri kiyya gama keennani AABBO Waaqa hojanna.

¹⁶ Biyyitileeni waan jetteeni, Waaqi nuu didinna aka nu AABBO Waaqa lakimne waaqa d'ibi hojannu.

¹⁷ AABBO Waaqi keenna nuufi ababoota teenna tissooma lafa Misiri keesaa nu baase, nuleeni waan mama ka inni tolche ila teennaani argine. Ammalle gaafa nu lafa gosa heddu tana keesa godaanele inni godanna keesa aka heddu nu qorqorate.

¹⁸ Ammalle worra Amori ch'ufa, ka lafa suni keesa taele, AABBO Waaqi nu duraa gusse, tanaafi nuleeni AABBO Waaqa hojanna, inni Waaqa keenna.

¹⁹ Ammo Yoshuani waan biyyaani jed'e, Isani dandeetani AABBO Waaqa inhojattani; inni Waaqa qulqullo, daba keesanile isani inaraaramu. Hojja waaqa d'ibi isa biraani kad'attani, inni dandae inoobsu.

²⁰ Yo isani isa lakiftani waaqoota gosa d'ibiti hojattani, inni isaniti gaargale wo isani tolche isani balleesa, ato duri isaniti dansa sa tahelee.

²¹ Biyyiti waan Yoshuani jette, Hiyo, akananiti, nu AABBO Waaqa inuma hojanna.

²² Jennaani Yoshuani waan worraani jed'e, D'ugaani teesanileeni isanuma, aka isani AABBO Waaqa fohattani isa hojattani worri waan jed'eeni, hataatuti, d'ugaani teennalleeni ha nuuma taatu.

²³ Inni waan jed'eeni, Yoosi Waaqoota gosa d'ibi ka isani qabdani kaani d'id'imati d'aa garaa tokooni AABBO Waaqa Israeliti ufi kenna.

²⁴ Duuba biyyiti waan Yoshuani jette, Nu AABBO Waaqa keenna hojanne dubbi isaa gula yaana.

²⁵ Duuba Yoshuani wold'aqisa worri Waaqaani wold'aqu worraa tolche, arti fulla Shekemuti aadaafi Seera worraa kenne.

²⁶ Yoshuani dubbi tana kitaaba Seera Waaqa keesati t'aafe d'akha gudda toko fuud'e, fulla woyyuma ta AABBO Waaqa iti kad'attani mukha gudda toko jala old'aabe,

²⁷ waan biyya ch'ufaani jed'e, D'akhaani kunini d'uga nuu taha. Inni dubbi AABBO Waaqi nuni jed'e ch'ufa ya d'agaye. Tanaafi inni d'uga isani taha aka isani AABBO Waaqa keesani iti gargaltani imormanne.

²⁸ Jennaani Yoshuani biyyaani gala jed'e, nami ch'ufti lafa ufiti gale.

Duisa Yoshuatifi ka Eleazari

²⁹ Eegi suni hojattuuni AABBO Waaqa Yoshuani, ilmi Nuni, ganna d'ibbafi kud'aniti due.

³⁰ Jennaani lafa inni d'aale Timnath-Sera, lafa gaareeni Efraimu ta gaara Gaashitini mirgati isa awaalani.

³¹ Worri Israeli haga Yoshuani jiru AABBO Waaqa hojatte, ammalle haga jaaroleeni ta waan AABBO Waaqi Israeli tolche ila ufiitini argite lafa jirtu, AABBO Waaqa hojatte.

³² Lafele Yusufu, ta worri Israeli lafa Misiri keesa d'ufeeni, Shekemuti awaalani, fulla Yakobooni ilmaani Amori abba Shekemu, qarsi d'ibba tokotini iraa bite taani. Fullaani sunini qooda lafa ilmaani Yusufuti kennani keesa jirti.

³³ Eleazarini ilmi qaallicha Haruni due, Gibea, dira lafa gaareeni ta Efraimu, ka ilma isaa Finehasi kennaniti awaalani.