Yoshua 18 - KITAABA WAAQA

¹ Eegi lafa ch'ufa dabsate gumiini Israeli haguma geetuni Shiloti wolti baate Waaro Woyyuma d'aabani.

² Ammalle worra Israeli keesa gosa torbati ta, qooda lafa inargatiniti jira.

³ Duuba Yoshuani waan worra Israelitini jed'e, Isani maanini eeddani ufuma ch'iiftani, lafa AABBO Waaqi ababoota teesani, isanii kenne fud'achu diddani?

⁴ Nama sadi, gosa teesani ch'ufa keesaa naa kenna, anini duuba worra suni lafa ch'ufa keesa erge, aka lafa ch'ufa keesa deemani fulla fud'achu fed'ani qutuma d'aatani. Duuba eegi suni ha nati deebianiti.

⁵ Lafa ha fulla torbati gargari qoodataniti; worri Yuda fulla qara jiru ta bitaa ha ke tauti, worri Yusufuleeni fulla qara jiru ta mirgaa ha keesa tauti.

⁶ Aka qoodi torbaani sunini jiru t'aafa, natiini koota, Duuba anini hit'a AABBO Waaqa keenna durati isanii buusa.

⁷ Gochiti Lawi isani keesaa qooda inqabdu; wonti akanatiifi qoodi worraa huji qaalluma ta AABBO Waaqa. Ammalle d'uguma gochiti Gaditifi ta Reubenitifi ta Manase ta ilaboru yayu lafa hojattuuni AABBO Waaqa Musani worraa kenne qara fud'atte.

⁸ Jennaani Yoshuani worra qutuma d'au kaani, ato worri inkaini, wolti yaame, waan jed'eeni, Lafa ch'ufa keesa yaa, qutuma d'aahad'a, nati dachaa. Duuba anini lafa Shilo tana keesati, AABBO Waaqa durati, hit'a isanii buusa.

⁹ Duuba worri kae lafa ch'ufa keesa yae, aka lafa gargari fulla torbati qoodanifi maqa dira ch'ufale t'aafani. Eege Yoshua ka Shilo jiruti dachaani.

¹⁰ Duuba Yoshuani AABBO Waaqa durati hit'a worraa buuse, gosa Israeli ta qara lafa inargatini lafa qoodeefi.

Lafa Benjamini kennani

¹¹ Lafti gosa Benjamini, worra isaani gula, lafa qaraa ta namaa qoodani. Lafti worraa jiddu lafa gosa Yudatifi Yusufuti.

¹² Seeri worraa ka mirga galaana Yordaniti eja, ammalle gooro Yerikoni mirga olkore, lafa gaareeni haga lafa gamooji ta Beth-Aveni ila adu keesa dabre.

¹³ Duuba seeri gooro Luzi (ka Betheli jed'anile) bitaa dabre, ammalle Ataroth-Adari, d'aatu gaara Beth-Horoni ka jala bitaa jiruti gabue.

¹⁴ Duuba seeri gara d'ibi qajeele gaara Kana ila adutini bita deebie, Kiriath-Baali (yokhaani Kiriath-Yearimu) ka qooda gosa Yuda keesa jiruni bahe, kunini seera gama ila aduti.

¹⁵ Seeri bitaa moga dira Kiriath-Yearimu iraa bahe, bisaani Naftoa ira bahe.

¹⁶ Golba gaara bale Hinomu iraani mullatu fulla bale Refai mirgaani gabue, eegi suni bale Hinomu ta gooro Yebusitini bitaa, gara Enrogeli bitaa bahe.

¹⁷ Eegi suni Enshemeshi mirga bahe Gelilothi, ta d'aatu kaarra Adumimu, dabre, ammalle arti bahe D'akha Bohani (Bohanini ilma Reubeni) qajeele,

¹⁸ gooro bale Yordani iraani mullatuuni mirgati dabre. Eegi suni bale gabue,

¹⁹ Gooro Beth-Hogla mirgaani ke bahe, fulla mirga ta galaani Yordani galaana Soodatini naqu artiti eje. Kunini seera bitaa.

²⁰ Galaani Yordani seera ilaboruti, kunini seera qooda lafa ta gochiti Benjamini, worra isaani gula, argatte.

²¹ Diri gosa Benjamini, worra isaani gula, kana: Yeriko, Beth-Hogla, Emek-Keisisi,

²² Beth-Araba, Semaraaimu, Betheli,

²³ Arimu, Paara, Ofra,

²⁴ Kefra-Amoni, Ofri, Geba: diri kunini ch'ufti kud'ani lama, ka kamu ollowaani ufi d'aatu qabu.

²⁵ Ammalle Gibeoni, Rama, Beerothi,

²⁶ Mispa, Refira, Moza,

²⁷ Rekemu, Irpeeli, Tara,

²⁸ Zela, Helefu, Yebusi (yokhaani Yerusalemu), Gibeathi, Kiriath-Yearimu: diri kunini ch'ufti kud'ani afuri ka kamu ollowaani ufi d'aatu qabu. Tunini qooda lafa gochiti Benjamini, worra isaani gula, d'aala argatte.