Yohana 9 - KITAABA WAAQA

¹ Ato Yesoni deemu, inni nama toko ka haga d'alate balla arge.

² Jari isaa waan jed'eeni, Aabbo, nama kana mo abbaafi haad'a isati daba tolche, ka inni ballaa d'alate?

³ Yesoni waan jed'eeni, Nami kunini yokhaani worri isaa daba intolchine; ammo aka hujiini Waaqa isa keesa mullattuufi inni ballaa d'alate.

⁴ Nu huji nama na erge hojachu malle, ato lafti guyyaatu; halkani ind'ufani, ka nami tokoleeni dandae inhojanne.

⁵ Anini haga lafa keesa jiru ifsa lafaati.

⁶ Akasi jennaani, hanch'ufa tufe, biyye harkaani supe, d'oqe suni ila namicha suni dibe

⁷ waan jed'eeni, Beeni, bisaani Siloamu d'iqad'u. (Siloamu jechaani Erga jecha.) Tanaafi inni deeme d'iqate, ka lafa argu deebie.

⁸ Ollafi nami duri isa wo kad'atu arge waan jed'e, Namichi kunini ka duri tae wo kad'atu kaaniiniti?

⁹ Ka gari waan jed'e, Isa; ammo ka gari waan jed'e, Hiyyo, isaaniti, ammo isa fakaata. Ammo inni waan jed'e, Nami suni ana.

¹⁰ Worri waan isaani jed'e, Yoosi, ilti tante akamiini banamte?

¹¹ Inni waan jed'e, Namichi Yeso jed'ani kaani biyye supe, ila tiyya dibe waan naani jed'e, Siloamu d'aqi, fuula d'iqad'u. Tanaafi ani deeme d'iqad'e lafa arge.

¹² Worri waan jed'eeni, Me, nami suni? Inni waan jed'eeni, Anini imbeekhu.

Farisayooni fayyisa suni laalatti

¹³ Worri namicha balla suni Farisayooti geese.

¹⁴ Guyyaani Yesoni d'oqe supe ila isa bane suni guyya Sabato.

¹⁵ Farisayooni aka ilti isaa banamte ammalle isa gaafate. Inni waan jed'eeni, Inni d'oqe ila tiyya dibe, anini fuula d'iqad'e, duuba lafa arge.

¹⁶ Farisayo keesa nami gari waan jed'e, Namichi kunini, ka waan kana tolche, gara Waaqaati ind'umne, maro inni seera Sabato inguunneefi. Ammo ka gari waan jed'e, Nami daba qabu akami dandae waan akana kana tolcha? Jennaani gargari bahani.

¹⁷ Ammalle namicha balla kaaniini maro lameeso waan jed'ani, atini namicha kanati ila naa bane jetta, amma waan isaa maani jetta?

¹⁸ Yahudiini aka inni duraani balla, amma ammo lafa arge d'ugefachu didde, haga abbaafi haad'a isaa gaafataniti.

¹⁹ Duuba waan jed'aniini, Kunini ilma keesani? Inni balla d'alate? Inni amma akamiini lafa arga re?

²⁰ Worri isaa waan jed'e, Aka inni ilma keenna nu imbeenna, ammalle aka inni balla d'alatele imbeenna.

²¹ Ammo aka inni amma lafa argu nu imbeennu, nama ila isaa banele nu imbeennu; isa gaafad'a me, inni nama gudda, ufii dubbachu dandaa.

²² Wonti abbaafi haati isaa waan kana jetteefi Yahudi sodaate; wonti akanatiifi Yahudiini yayu wolmariatte aka nama Yeso jed'u ch'ufa Mana Waaqa keesa gussani.

²³ Tanaafi worri isaa, Inni nama gudda, isa gaafad'a jed'e.

²⁴ Ammalle maro lameeso worri namicha balla kaani yaame waan jed'eeni, Waaqa durati d'uga dubbad'u! Nu imbeenna aka namichi kunini nama daba.

²⁵ Inni waan jed'eeni, Nama daba tahule ani imbeekhu. Ammo waan toko imbeekha; anini qara balla, amma yayu lafa arge.

²⁶ Jennaani waan isaani jed'ani, Inni maani sii tolche? Akami ila sii bane?

²⁷ Inni waan jed'eeni, Ani la reefu isaniti hime, ammo ch'aqasu diddani. Maafi maro lameeso na gaafattani? Isanileeni jara isaa tahu feetani?

²⁸ Isa arabsani waan jed'aniini, Siti nama isaati, ammo nu nama Musati.

²⁹ Aka Waaqi Musani dubbate nu imbeenna; ammo namicha kana gari inni bahefile imbeennu.

³⁰ Namichi kaani waan worraani jed'e, Ehayi, tunini waan mamaati! Gara inni bahefi imbeetani ammo inni ila naa bane!

³¹ Aka Waaqi nama daba qabu inch'aqamne imbeenna; ammo nama Waaqa kad'ate fed'i isaa tolchu Waaqi inch'aqasa.

³² Haga lafti uumamte, nama nama balla d'alate ila banu taka ind'ageenne.

³³ Yo namichi kunini gara Waaqaati imbahiini dandae woma intolchu jed'e.

³⁴ Worri waan jed'eeni. Atini nami ufiiftu daba keesati d'alatte, amma teete nu barsiifta? Duuba alati isa gussani.

Ballooma lubbu

³⁵ Yesoni aka alati isa gussani d'ageennaani barbaade waan jed'eeni, Atini Ilma Nama d'ugefatta?

³⁶ Inni waan jed'eeni, Inni eennu, Aabbo, aka anini d'ugefad'u?

³⁷ Yesoni waan jed'eeni, Ati yayu agarte, kama siini dubbatu kanati isa.

³⁸ Inni, Aabbo, la d'ugefad'e jed'e, isa guddise.

³⁹ Yesoni waan jed'eeni, Anini qorsumaafi lafa tana d'ufe, aka ballaani lafa arge ammo ka ila qabu ballaa tahu.

⁴⁰ Farisayooni ta isa woliini jirtu waan kana d'ageennaani waan jetteeni, Nuti balla re?

⁴¹ Yesoni waan worraani jed'e, Yo isani sila balla taatani, daba inqabdani; ammo ammatana isani, Nu lafa agarra ufiini jetteeni, tanaafi dabi keesani injira jed'e.