Yohana 8 - KITAABA WAAQA

¹ Ammo Yesoni gara gaara Ejersa jed'ani d'aqe.

² Lafti bariinaani inni Mana Waaqati deebie. Nami ch'ufti gara isaa d'ufe, duuba inni tae worra barsiise.

³ Jara Seera beekhufi Farisayooni niiti sharmut'iti toko ta ato isiini nama woliini raftu qabde isatiini d'ufte, jiddu biyyatiini geete,

⁴ Waan isaani jette, Aabbo niiti tana ato isiini nama d'iiratini raftu qabani.

⁵ Duuba Seera keesa Musani nad'eeni akana tana, D'akhaani d'aana, ijeesa nuuni jed'e. Ammo atini maani jetta?

⁶ Wonti dubbi suni jed'aniifi aka afaani fuud'ani waan himataniini isa iraa argatani, ammo Yesoni gajed'e, qubaani lafa tataraare.

⁷ Ato worri isa wo gaafatu, inni oljed'e waan worraani jed'e, Nami daba inqamne isani keesa ha qara d'akhaani isi d'au.

⁸ Ammalle gajed'e, quba ufiitini lafa taraare.

⁹ Worri d'ageennaani namu toko tokooni kae yae, qara jaaroleeni yaate, kaimilleeni gula yae. Yesoni koba hafe ka niitileeni achuma ejitu.

¹⁰ Yesoni oljennaani waan isiini jed'e, Intala, beeni si himate me? Tokoleeni wollaala siti imurre?

¹¹ Isiini waan jetteeni, Tokoleeni injiru, Aabbo. Yesoni waan jed'eeni, Anileeni wollaala siti imuru. Beeni, ammo deebite daba intolchiini.]

Yesoni ifsa lafaati

¹² Yesoni ammalle dubbate waan worraani jed'e, Anini ifsa lafaati. Nami na gula d'ufu dukana keesa indeemu, ammo ifsa jireennaa argata.

¹³ Farisayooni waan jetteeni, Atini ufi d'ugeesita, d'ugeesani tante d'ugaaniti.

¹⁴ Yesoni waan jed'eeni, Yo ani ufi d'ugeesele, d'ugeesani tiyya ta d'ugaati; wonti akanatiifi anini gara d'ufeefi gara deemule imbeekha.

¹⁵ Isani aada nama gula qortani, anini nama tokole inqoru.

¹⁶ Yo qorele, qorsumaani tiyya ta d'ugaati, waan anini koba injirreefi; anaafi Abbaani na erge wolumaani jirra.

¹⁷ Seera keesani keesa waan t'aafani, yo dubbi qorani keesa nami lama d'uga bahe, dubbini suni d'uga jed'ani.

¹⁸ Anini ufi d'ugeesa, Abbaani na ergeleeni naa d'ugeesa.

¹⁹ Worri waan jed'eeni, Abbe eennu? Yesoni waan jed'eeni, Isani na imbeetani, yokhaani Abba kiyyale imbeetani. Yo sila na beetani, Abba kiyyale imbeetani.

²⁰ Dubbi tana Yesoni mana hori keesati olkayani keesati jed'e, ato Mana Waaqa keesati wo barsiisu. Nami tokoleeni isa inqamne waan guyyaani isaa qara ingayiniifi.

Waan gara d'aqisa Yeso

²¹ Yesoni ammalle waan worraani jed'e, Anini gara d'aqa; isani na barbaaddani, ammalle daba keesani keesati dootani. Gara ani d'aqule isani dandeetani ind'uftani.

²² Jennaani Yahudiini waan jette, Inni waan jed'u, Gara ani d'aqu dandeetani ind'uftani jed'a. Isii, inni ufi ijeesu fed'a?

²³ Yesoni waan worraani jed'e, Isani lafa tanaa baatani, anini gubbaa gad'ufe. Isani ka lafa tanati, anini ka lafa tanaatiiniti.

²⁴ Wonti anini, Isaniini daba keesani keesati dootani jed'eefi tana. Ammalle isani daba keesani keesati inuma dootani, yo aka anini d'uguma Isuma d'ugefachu diddani.

²⁵ Worri waan isaani jed'e, Atini eennu kana? Yesoni waan jed'eeni, Akuma qara anini isaniti hime suni.

²⁶ Anini waan heddu qaba, ta dubbad'e waan keesani qoru, ammo nami na erge ka d'ugaati, ammalle waan anini isa ira d'agaye ch'alla namati hima.

²⁷ Worri aka inni Abba baane imid'aafanne.

²⁸ Tanaafi Yesoni waan jed'e, Eegi Ilma Nama fanniftani, gaafasi beetani aka ani d'uguma Isuma; ammalle aka anini ufumaani wo intolchine, ammo waan Abbaani na barsiise ch'alla dubbad'u beetani.

²⁹ Ammalle nama na erge nu wolumaani jirra; inni kobati na illakisu, waan anini guyya ch'ufa waan isaani gammachiisa ch'alla tolchuufi.

³⁰ Inni waan kana jennaani nami hedduuni isa d'ugefate.

Balchafi tissele

³¹ Duuba Yesoni Yahudi isa d'ugefateeni waan jed'e, Isani yo dubbi tiyya guuttani, d'uguma jara kiyya taatani;

³² d'ugale imbarattani, d'ugaleeni isani balchoomsiti.

³³ Worri waan jed'eeni, Nu d'aloota Abrahamuti, takale tisse nama intaane; ati akami, Isani balchoomsani nuuni jetta?

³⁴ Yesoni waan worraani jed'e, D'uguma, waan anini isaniini jed'u, Nami daba tolchu ch'ufti tisse dabaati.

³⁵ Tisseeni mana keesa guyya ch'ufa inteetu, ammo ilmi guyya ch'ufa taa.

³⁶ Yo Ilmi isani balchoomse aka d'uga balchoomtani.

³⁷ Anini imbeekha aka isani d'aloota Abrahamu. Ammo isani na ijeesu feetani, waan dubbini tiyya isani keesa injirreefi.

³⁸ Anini waan fulla Abba kiyyati arge dubbad'a, isanileeni waan abba keesani ira d'ageetani tolchitani.

³⁹ Worri waan isaani jed'e, Abbaani keenna Abrahamu. Yesoni waan jed'eeni, Yo isani ijoolle Abrahamu taatani, sila huji Abrahamuuni tolche tolchitani.

⁴⁰ Ammo amma na ijeesu feetani, nama waan d'uga ka Waaqa iraa d'agaye isaniti hime. Abrahamuuni akasi intolchine!

⁴¹ Isani huji Abba keesani tolchitani jed'e. Worri waan jed'eeni, Aberaani nu ind'alchine, Abba toko ch'alla qamna, Waaqa.

⁴² Yesoni waan jed'eeni, Yo sila Waaqi Abba keesani tahe, isani na jaalattani; wonti akanatiifi anini gara Waaqaati bahe, yaaduma kiyyaani ind'umne, ammo isati na erge.

⁴³ Isani maafi dubbi anini jed'e suni inhubanne? Woni isani inhubanneefi dubbi tiyya diqole d'agayu imfeetani.

⁴⁴ Abbaani keesani Sheet'ana, ammalle d'araa abba keesani tolchu feetani. Inni haguma duriiti nama ijeesa, d'ugale woma ira inqabu, waan d'ugaani isa keesa injirreefi. Yo inni d'ara dubbate akuma ufi dubbata; wonti akanatiifi inni kiyyiba, abba d'araati.

⁴⁵ Ammo waan anini d'uga dubbad'uufi na d'ugefachu diddani.

⁴⁶ Isani kana keesa eennuti anaa daba tolchu taka arge? Yo ani d'uga dubbad'e, isani maafi na ind'ugefanne?

⁴⁷ Nami Waaqaa dubbi Waaqaa d'agaya, waan kanaafi isani ind'ageenne, waan isani ka Waaqaa intahiiniifi.

Yesofi Abrahamu

⁴⁸ Yahudiini waan Yesoni jette, Aki nu, Atini nama Samariati ammalle jinni qabda jenne d'uganiti?

⁴⁹ Yesoni waan jed'eeni, Anini jinni inqabu, ammo anini Abba kiyya guddisa, ammo isani na tuffattani.

⁵⁰ Taatule anini guddinna ufi imbarbaadu. Ka barbaadu tokoti jira, ka aka dansa wo qoru.

⁵¹ D'uguma, waan anini isaniini jed'u, Yo nami dubbi tiyya jabeese, nami suni induu.

⁵² Yahudiini waan jetteeni, Amma nu imbeenna aka atini jinni qabdu! Abrahamuuni akuma raagoota d'ibi due. Ammo atini, Yo nami dubbi tiyya jabeese, nami suni induu jetta.

⁵³ Atini abba keenna Abrahamufi raagoota doote ira jirta? Atini maani ufi seeta?

⁵⁴ Yesoni waan jed'eeni, Yo anini ufi saade, saaduuni tiyya woma imbaatu. Ammo Aabbooti na saada, ka isani Waaqa keenna jettaniini.

⁵⁵ Isani diqole isa imbeetani, ammo anini isa imbeekha, Yo anini, Isa imbeekhu jed'e, anini aka keesani kiyyiba. Ammo anini isa imbeekha, dubbi isale jabeesa.

⁵⁶ Abbaani keesani Abrahamuuni maro guyya kiyya arguufi gammade. Arginaani qilit'ame.

⁵⁷ Jennaani Yahudiini waan isaani jette, Atini ammalle ganna shantamale ingeenne, ammo Abrahamu yayu agarte?

⁵⁸ Yesoni waan jed'eeni, D'uguma, waan anini isaniini jed'u, Ato Abrahamu ind'alatiini, anini injira.

⁵⁹ Worri d'akhaani isa d'au fed'e, ammo Yesoni worra d'okhate Mana Waaqa keesaa bahe.