Yohana 19 - KITAABA WAAQA

¹ Jennaani Pilatoni Yeso fuud'e, Lichooni d'aana jed'e.

² Askartiini qoraati aka sure mid'aasite, mata isati marte; woya diimtu iti uyifte, iti d'iaatte,

³ Hayyu Yahudi, Lubbuuni tante ha d'eeratuuti! jette d'abanaafte.

⁴ Pilatoni dubbi tana d'ageennaani Yeso alati gadi baase fulla ch'icha d'akhaa jed'ani ta afaani Ebraniatiini Gabbatha jed'ani barch'uma qorsuma ira tae.

⁵ Jennaani Yesoni, ka woya diimtufi sure qoraati qabu, alati gadi bahe. Pilatoni waan worraani jed'e, Nama kana ilaala!

⁶ Qaalole gugurdofi askartiini isa arginaani ch'aarte waan jette, Olfannisi! Olfannisi! Pilatoni waan jed'eeni, Isanumaani fuud'a, olfannisa. Anini waan hamtu isa irati ingarre.

⁷ Yahudiini waan jette, Nu seera qamna, seera keenna suni gula inni duu male, waan inni Ilma Waaqa ufiini jed'eefi.

⁸ Pilatoni dubbi suni d'ageennaani haga qarale ira sodaate.

⁹ Mana Praitorioti deebie waan Yesoni jed'e, Atini eesaa d'ufte? Ammo Yesoni dubbachu dide.

¹⁰ Jennaani Pilatoni waan isaani jed'e, Na jalaa indubbattu atini aka anini jabeenna siini gad'iisufi ka siini hid'u qabu imbeetu?

¹¹ Yesoni waan jed'eeni, Sila jabeenna wo na tolchituuni inqabdu, yo Waaqi sii kenne male. Tanaafi nama harka kanketi na kenneeti ira daba qaba.

¹² Waan kanaafi Pilatoni isa gad'iisu fed'e, ammo Yahudiini ch'aarte waan jette, Yo nama kana gad'iifte atini jaala Kaisaritiiniti! Nami hayyu ufi tolchu ch'ufti nyaapa Kaisari.

¹³ Pilatoni dubbi tana d'ageennaani Yeso alati gadi baase fulla ch'icha d'akhaa jed'ani ta afaani Ebraniatiini Gabbatha jed'ani barch'uma qorsuma ira tae.

¹⁴ Guyyaani suni guyya waan jila Pasaka kureesani, ammalle lafti guyya gudda. Pilatoni waan Yahudiini jed'e, Hayyu keesani ilaala!

¹⁵ Worri ch'aare waan jed'e, Armaa fuud'i, Armaa fuud'i, olfannisi! Pilatoni, Hayyu keesani olfannisa? jed'e worra gaafate. Qaaloleeni gugurdooni waan jetteeni, Nu hayyu d'ibi inqamnu, Kaisari male!

¹⁶ Jennaani Pilatoni harka worraati kenne aka olfannisani. Jennaani worri Yeso iraa fuud'e.

Yeso maskaliti fannisani

¹⁷ Inni maskali ufi baate deeme, haga fulla Buqe Mata jed'aniti, ta afaani Ebraniatiini Golgotha jed'ani.

¹⁸ Achiti Yeso fannisani; isa woliini nama lama d'ibi, mirgafi bita isaa ka inni jiddu jiru fannisani.

¹⁹ Pilatoni beesisa t'aafe, maskali isaa gararoti mat'ansani. Yeso Nazareti, hayyu Yahudi jed'ani t'aafani.

²⁰ Beesisa kana Yahudi hedduti soome, waan fullaani Yeso iti fannisani suni d'aatu dira tatefi. Ammalle afaani Ebraniatiifi ka Rumitiifi ka Grikileeni t'aafani.

²¹ Qaaloleeni Yahudi gugurdooni waan Pilatoni jette, Hayyu Yahudi int'aafiini, ammo nami kunini, Anini hayyu Yahudi ufiini jed'e t'aafi.

²² Pilatoni waan jed'eeni, Waan t'aafe yayu t'aafe.

²³ Askartiini Yeso fannimnaani woya isaa fuute fulla afuriti toko tokooni gargari qoodate, ammalle ubaara isaale ka hod'a inqamne fuud'ani.

²⁴ Duuba waan woliini jed'ani, Intarsaamnu ammo hit'a buufanne nama argatu ilaala jed'ani. Wonti kunini aka t'aafiini guutamtu ta, Woya tiyya gargari qoodatani, ubaara kiyyale hit'a buufatani, jette. Duuba askartiini waan kana tolchite.

²⁵ D'aatu maskali, haad'a Yesotiifi arera isatiifi Mariamu niiti Kleopatiifi Mariamu Magdaleneeti ejaanje.

²⁶ Yesoni haad'a ufitiifi namicha inni jaalatu kaani ka bira ejaanjani arge waan haad'a ufiitini jed'e, Ayo, ilma kanke ilaali.

²⁷ Jennaani inni waan namicha kaaniini jed'e, Haad'a te ilaali. Haga gaafasiti nami suni mana ufiti isi galche.

Duisa Yeso

²⁸ Eegi suni Yesoni aka wonti ch'ufti guutamte beennaani, aka t'aafiini guutamtu waan jed'e, Anini d'eebu qaba.

²⁹ Fulla suni qori daad'i qabduti jira; duuba waan aka bututu laaftu toko daad'i taani keesa kayani, hokoti fannisani, afaani isaati geesani.

³⁰ Yesoni daad'i suni argannaani waan jed'e, La hobaate! Jennaani mataani gajed'e, lubbuuni keesaa baate.

Yeso woraanani

³¹ Yahudiini maro guyyaani suni guyya kurfeesa jed'aniifi aka reefi guyya Sabato maskali gubbaati inhamne, Pilato kad'ate, aka miila worraa ch'ach'absani reefa achi guurani. Waan guyyaani Sabato guyya jaba tatefi.

³² Duuba askartiini d'at'e, miila nama qara kaani ch'absite, ka lameeso ka isa woliini fannisanile.

³³ Ammo fulla Yeso geennaani isa ch'iche argani, miila isa inch'absine.

³⁴ Taatule askartiini toko woraanani t'iit'a woraante jennaani d'iigafi bisaani baafatani.

³⁵ Nami waan kana arge la d'ugeese, dubbini isaa d'uga. Aka d'uga dubbatule inni imbeekha, aka isanileeni d'ugefattani.

³⁶ Wonti kunini aka t'aafiini guutamtu ta, Lafe isaa tokole inch'absani jette.

³⁷ Ammalle t'aafiini d'ibiini waan jettu, Biyyiti namicha woraanani daawatti.

Awaala Yeso

³⁸ Eegi waan kana Yusufuni ka nama Arimathaya, gara Pilato d'aqe reefa Yeso kad'ate. (Yusufuni suniini nama Yesoti ammo maro Yahudi sodaateefi ufi d'osse.) Pilatoni ee jennaani inni d'aqe reefa fuud'e.

³⁹ Nikodemoni ka halkaniini Yesoti d'ufe qayya haga kiilo sodoma qumbiifi hargeesa wolti naqe d'ufeeni.

⁴⁰ Worri duuba Yeso fuud'e aka aada Yahudi ta hojja nama awaalani, booftani mamare qumbiifi qayya iti naqe.

⁴¹ Fulla isa fannisani suni oobruti jira; oobru suni keesa awaala haraati jira, ka taka nama iti inawaaliini.

⁴² Maro guyya Kurfeesa Yahuditiifi, ammalle waan awaali suni d'io jiruufi, achiti Yeso awaalani.