Yohana 17 - KITAABA WAAQA

¹ Yesoni dubbi tana jennaani gubba olmillate waan jed'e, Aabbo, hojjaani ya geete. Ilma kanke guddisi, aka Ilmi si guddisu.

² Atini humna nama ch'ufa ira ya isaa kennite, aka inni nama ch'ufa ka atini isaa kennite jireenna hegeri kennuufi.

³ Ammalle jireenni hegeri kana: aka atini Waaqa tokocha d'uga si beekhani, Yeso Kristole ka atini ergite beekhani.

⁴ Huji atini naa kennite suni hobaamnaani anini ya lafa keesati si guddise.

⁵ Ee Aabbo, amma tana guddinna naa kenni, guddinna nu ato lafti inuumamiini woliini qamnu suni.

⁶ Anini maqa kanke nama atini lafa keesa naa kennite ya agarsiise. Worri qara namuma keti, atileeni ya worra naa kennite. Worri dubbi tante la guute,

⁷ amma waan atini naa kennite ch'ufa, aka isiini gara keti baatu, ya baratani.

⁸ Anini dubbi atini naa kennite yayu worraa kenne, worrileeni yayu fud'ate; aka anini gara keti bahe worri ya aka isiini d'uga beekhe, ammalle aka atini na ergite yayu d'ugefate.

⁹ Anini maro worraatiifi kad'ad'a. Maro nama lafaati inkad'ad'u, ammo nama ati naa kenniteefi kad'ad'a; wonti akanatiifi worri keti.

¹⁰ Wonti kiyya ch'ufti keti, wonti kankeleeni kiyya; guddinni kiyya worra keesa mullata.

¹¹ Anini amma tana lafa keesa intau, ammo jari kunini lafa keesa taa; anini gara kanke d'ufa. Ee Aabbo qulqullo jabeenna kanke ka atini naa kennite sunini worra qorqorad'i aka worri akuma kenna taka tahu.

¹² Haga anini worra woliini jiru, maqa kanke ka atini naa kennite suniini, anini yayu worra qorqorad'e. Ani layu worra tisse, tokoleeni imbanne, ilma badi suni male, aka t'aafiini guutamtu.

¹³ Ammatana anini gara kanke d'ufa, waan kana lafa keesati jed'a, aka gammadi kiyya garaa worraa guutu.

¹⁴ Anini dubbi tante yayu worrati kenne, nami lafa ya worra jibbe, waan worri nama lafa intahiiniifi, akuma anileeni nama lafa intahiini.

¹⁵ Aka atini lafa keesaa worra baaftu anini inkad'ad'u; ammo aka hama suni worra ira d'owartu.

¹⁶ Worri ka lafatiiniti, akuma anileeni ka lafa intahiini.

¹⁷ D'ugaani worra qulqulleesi, dubbini tante d'uga.

¹⁸ Akuma atini lafati na ergite, akasuma anileeni worra lafa keesa erge.

¹⁹ Maro worraatiifi anini ufi qulqulleesa, aka worri d'ugaani qulqullau.

²⁰ Anini worraa ch'allaa inkad'ad'u, ammo nama maro dubbi worraatiifi na d'ugefatu ch'ufale kad'ad'a.

²¹ Wonti ani kad'ad'u, aka worri ch'ufti takaa tahu, akuma Aabbo, atini na keesa jirtu, anileeni si keesa jiru, aka akasuma worrileeni nu keesa jiraatu. Ammalle aka nami lafa, aka atini na ergite d'ugefatu.

²² Guddinna atini naa kennite anini yayu worraa kenne, aka worri ch'ufti takaa tahu, akuma anaafi sii takaa.

²³ Anini worra keesa jira, atinileeni na keesa jirta, aka worri akuma d'ugaa taka tahu, aka nami lafa aka atini na ergite beekhe, ammalle aka atini akuma na jaalatu worrale jaalatu beekhu.

²⁴ Ee Aabbo, aka nami atini naa kennite suni fulla anini deemu na woliini tau fed'a, aka guddinna kiyya ka atini naa kennite argani; wonti akanatiifi atini ato lafti inuumamiini na jaalatte.

²⁵ Ee Aabbo d'uga, nami lafa qara si imbeekhu, ammo anini si beekha, jari kunileeni aka atini na ergite beekha.

²⁶ Anileeni maqa kanke yayu worra barsiise, ammalle inuma barsiisa, aka jaalalti atini na jaalatte worra keesa teete, anileeni worra keesa tau jed'e.