Yohana 11 - KITAABA WAAQA

¹ Nami toko, ka Lazaro jed'ani, ka oboleyaani isaa ta dubra Mariamufi Martha, ka worri isaani Bethania fayyad'abe.

² (Mariamuni suni ta d'ad'a urgaa Aabbo dibde, miila isaa rifeensa mata ufiitini ira haat'e, ta oboleesi isii Lazaroni fayyad'abe.)

³ Oboleyaani isaa nama Yesoti ergite waan jetteeni, Aabbo, ilaali, jaali kanke kaani fayyaaniti.

⁴ Ammo Yesoni akasi d'ageennaani waan jed'e, d'ukubi kunini ka duatiniti, ammo wonti woni kunini taateefi aka akasiini Waaqa guddisani ilmi isaaleeni guddinna argattu.

⁵ Yesoni Marthafi oboleeti isitiifi Lazaro jaalate.

⁶ Inni fayyad'aba Lazaro d'ageennaani, fulla jiru suni guyya lama tae.

⁷ Eegi guyya suni inni waan jara ufiitini jed'e, Beena, lafa Yudeati dachaana.

⁸ Jari isaa waan jed'eeni, Aabbo, Yahudiini onana d'akhaani si ijeesu feete, ammalle atini achiti deebita?

⁹ Yesoni waan jed'e, Saatiini guyya toko kud'ani lamayu? Nami guyyaani deemu ingufatu, waan inni ifsa adu arguufi.

¹⁰ Ammo yo nami halkaniini deeme, ingufata, waan inni ifsa inqamneefi.

¹¹ Waan kana jennaani inni waan worraani jed'e, Jaali keenna Lazaroni hirrafa, ammo anini hiriiba keesaa isa kaasu d'aqa.

¹² Duuba jari isaa waan jed'eeni, Aabbo, yo rafe, inkaa.

¹³ Yesoni waan duisa isaa baane, ammo worri hiriibuma sehe.

¹⁴ Jennaani Yesoni diideese hime, Lazaroni la due jed'e;

¹⁵ ammalle ayyaana keesani, ka hojja suni anini achi injirre, aka isani d'ugefattani. Ammo beena, gara isaa nu yaasa jed'e.

¹⁶ Tomasoni (ka Laku jed'ani) waan wahela ufitiini jed'e, Beena, nuleeni iyaana, aka isa woliini doonu.

Yesoni kaisafi jireenna

¹⁷ Yesoni d'umnaani, aka Lazaroni haga guyya afuri awaala keesa bule d'agaye.

¹⁸ Bethaniani Yerusalemu ira fagoniti haguma maili lama hanqatti.

¹⁹ Yahudiini hedduuni gara Marthatiifi gara Mariamu d'ufte aka maro lubbu oboleesa worraatiifi iraa hafaa jettuuni.

²⁰ Marthani aka Yesoni d'ufu jiru d'ageennaani, fuula keesa deemte; ammo Mariamuni manati hafte.

²¹ Marthani waan Yesoni jette, Aabbo, ato atini sila arma jiraate, oboleesi kiyya induu.

²² Ammalle ammatanale ani imbeekha, waan Waaqa kad'atu ch'ufa Waaqi sii kenna.

²³ Yesoni waan isiini jed'e, Oboleesi kanke inuma kaa.

²⁴ Marthani waan jetteeni, Anini imbeekha aka inni guyya kaisa muumme kau.

²⁵ Yesoni waan jed'eeni, Ka kaasufi ka jiraachisu ana; nami na d'ugefatu, yo duele, injiraata.

²⁶ Nami ato jiru na d'ugefatu haguma jiru induu. Atini akasi d'ugefatta?

²⁷ Isiini waan jetteeni, Ee, Aabbo, aka atini Kristo, Ilma Waaqa, ka lafati d'ufu jed'ani, ani la d'ugefad'e.

Yesoni imboha

²⁸ Marthani akasi jennaani deemte, oboleeti isii Mariamu laanuma yaamte waan jetteeni, Aabbo Yesoni arma jira, si yaamu jira.

²⁹ Isiini d'ageennaani hurrifte kaate gara isaa d'at'e.

³⁰ Yesoni olla qara ingeenne, ammo fulluma Marthani iti agarte jira.

³¹ Yahudiini ta isii woliini mana jirtu, ta isi jabeesitu, aka Mariamuni hurrifte baate arginaani isi gula yaate, waan isiini gara awaala deemte bootu seete.

³² Jennaani Mariamuni fulla Yesoni jiru geennaani isa argite, miila isati jidde waan jetteeni, Aabbo, ato sila atini arma jiraate oboleesi kiyya induu.

³³ Yesoni isiifi Yahudi ta isii gula d'ufte bootu arginaani, garaani isaa gubate lalefate.

³⁴ Eesati awaalani? jed'e worra gaafate. Aabbo, kooti, ilaali jed'aniini.

³⁵ Jennaani Yesoni bohe.

³⁶ Tanaafi Yahudiini waan jette, Me ilaala, aka inni isa jaalate!

³⁷ Ammo ka gari waan jed'e, Namichi kunini, ka ila balla kaani bane, sila dandae nama kana duu ind'owu?

³⁸ Yesoni ammalle garaa ufi keesati guddo lalefate, fulla awaala d'aqe. Awaali suni goda, qara d'akha toko afaanti gangalchani ch'ufani.

³⁹ Yesoni, D'akha iraa gangalcha jed'e. Marthani, oboleeti namicha due suni, waan jetteeni, Aabbo, amma inajaa, haga due arra guyya afuri.

⁴⁰ Yesoni waan jed'eeni, Anini, Yo ati d'ugefatte, guddinna Waaqa inagarta siini injenne?

⁴¹ Duuba d'akha suni iraa gangalchani. Yesoni olmillate waan jed'e, Aabbo, galata sii deebisa, waan atini na d'ageetuufi.

⁴² Ammalle aka atini guyya ch'ufa na d'ageetu ani imbeekha, ammo maro gumi arma marsite ch'iiftu tanaafi anini waan kana jed'a, aka isiini aka atini na ergite d'ugefattu.

⁴³ Waan kana jennaani inni qonqo olfud'ate lalabe, Lazaro, kooti, gabahi jed'e.

⁴⁴ Namichi due kaani boolaa bahe, ka woya awaalatiini harkafi miili wolti hid'aansa qabu, ammalle fuula isaa bututuuni hid'ani. Yesoni waan worraani jed'e, Iraa hiikha, ha deemuti.

Mariacha ijeecha Yeso

⁴⁵ Jennaani Yahudiini hedduuni, ta Mariamu woliini d'ufte, ta waan inni tolche suni argite, isa d'ugefatte.

⁴⁶ Ammo jari gari kae gara Farisayo d'aqe, waan Yesoni tolche iti odeese.

⁴⁷ Tanaafi qaalole gugurdofi Farisayooni jaarole kora korte waan jette, Nu maani taana? Namichi kunini akheekha heddu tolcha.

⁴⁸ Yo akanati lakimne, nami ch'ufti isa d'ugefata, duuba Rumiini d'ufte Mana Waaqaatiifi gosa teenna balleesiti!

⁴⁹ Ammo namichi isaani toko, ka Kayafa jed'ani, ka ganna suni qaallicha gudda, waan worraani jed'e, Isani woma imbeetani;

⁵⁰ aka yo nami toko biyya jed'e due, ka gochiti teenna ch'ufti imbanne ira dansa inhereddani.

⁵¹ Inni waan suni qalbi ufiitini injenne, ammo waan ganna suni qaallicha gudda taheefi, aka Yesoni gosaa duu fage.

⁵² Inni gosa Yahudi ch'allaa induu, ammo aka gumi Waaqaa ta gargari firfirfamte wolti deebise taka tolchuufi dua.

⁵³ Duuba eegi guyya suni aka isa ijeesani mariatani.

⁵⁴ Tanaafi eegi suni Yesoni deebie Yahudi dura diidati imbaanne, ammo achi deeme, d'aatu lafa alo, dira toko ka Efraimu jed'ani keesa, jara ufi woliini tae.

⁵⁵ Jilti Yahudi ta Pasaka jed'ani d'iaannaani, nami hedduuni lafa ch'ufaa bahe Yerusalemu d'aqe, ato jilti ingahiini, aka aada gula ufi qulqulleesani.

⁵⁶ Duuba Yeso barbaadani woldubbatani, Mana Waaqa keesa ejaanjani waan woliini jed'ani, Maani seetani? Waan inni jila d'ufu seetu?

⁵⁷ Qaalole gugurdofi Farisayooni qara seera baafte waan jette, yo nami fulla inni jiru beekhu jiraate ha nuti himu, aka qamnu.