Yohana 10 - KITAABA WAAQA

¹ D'uguma, waan anini isaniini jed'u, Nami moona hooliye karraani inseenne, ammo d'aatuuni koru, hattufi algala.

² Ammo ka karraani seenu tissitu hooliyeeti.

³ Nami karra eegu isa duraa bana; hooliyeeni qonqo isaa d'ageeti, inni hooliye ufi maqa isitiini yaamate bobbaasa.

⁴ Eegi ta ufi ch'ufa bobbaase, isi dura deeme, hooliyeeni isa gula yaati, waan isiini qonqo isaa beetuufi.

⁵ Keessuma gula iyaatu, ammo ind'eeti, waan isiini qonqo keessuma imbeenneefi.

⁶ Fakeenna kana Yesoni worrati hime, ammo worri waan inni jed'e imid'aafanne.

Yesoni tissitu dansa

⁷ Tanaafi Yesoni ammalle waan worraani jed'e, D'uguma, waan anini isaniini jed'u, anini karra hooliyeeti.

⁸ Nami na dura d'ufe ch'ufti hattufi algala; ammo hooliyeeni worra ind'ageenne.

⁹ Anini karra. Yo nami naani olseene imbaafama; ammalle seene, gabahe d'eeda argata.

¹⁰ Hattuuni ind'uftu, yo hatte, qalatte yakite male. Anini aka nami jireenna argatuufi d'ufe, aka guddisani argatani.

¹¹ Anini tissitu dansa. Tissituuni dansaani jireenna ufi maro hooliyetiifi baafti.

¹² Nami hujii qorani, ka hooliyeeni ta isaa intahiini, yo yaiini d'uftu lakise baqata; yaiini hooliye qabde basiti.

¹³ Inni waan hujii qoraniifi baqata, maro hooliye injaalanneefi.

¹⁴ Anini tissitu dansa. Anini hooliye tiyya beekha, isiileeni na beeti,

¹⁵ akuma Abbaani na beekhe, anileeni Abba beekhu. Anini jireenna kiyya maro hooliyetiifi baasa.

¹⁶ Anini hooliye d'ibi qaba, ta moona tana intahiini; isiile d'ufuuni male; isiini qonqo tiyya ch'aqafte ch'iisa toko taati, tissituleeni toko.

¹⁷ Maro waan kanatifi Abbaani na jaalata, maro anini jireenna kiyya baasuufi aka deebie fud'ad'u.

¹⁸ Nami tokoleeni nara imfud'atu, ammo ani ufumaani baasa. Anini jabeenna baasuuni qaba, ammalle ka deebie fud'ad'uuni qaba. D'aamsa kana anini gara Abba kiyyati argad'e jed'e.

¹⁹ Ammalle maro dubbi tanaatiifi Yahudiini gargari baate.

²⁰ Worra keesa nami hedduuni, Inni jinni qaba ammalle ya maraate; maafi isa ch'aqaftani? jed'e.

²¹ Ammo nami gari waan jed'e, Dubbini tuni ta nama jinni qabutiiniti. Jinniini dandeete nama balla ilaa banti?

Yahudiini Yeso diddi

²² Bara d'aamochaa suni guyya jila qaabacha gaafa Mana Waaqa Yerusalemu keesati banani eebisani,

²³ Yesoni Mana Waaqa keesa fulla ch'icha Solomoni deemu jira.

²⁴ Yahudiini isa marsite waan jetteeni, Atini guyya hagami nuti tantameesita? Yo atini Kristo taate, diideesi nuti himi.

²⁵ Yesoni waan jed'eeni, Anini ya isaniti hime, ammo isani d'ugefachu diddani. Hujiini anini maqa Abba kiyyatiini tolchu tunini naa d'ugeesiti.

²⁶ Ammo isani d'ugefachu diddani, waan hooliye tiyya intahiiniifi.

²⁷ Hooliyeeni tiyya qonqo tiyya d'ageeti, anileeni isi beekha, isileeni na gula yaati.

²⁸ Anini jireenna hegeri kennaafi, isiini haga jirtu indootu; nami tokoleeni harka kiyya keesaa imfud'atu.

²⁹ Abbaani kiyya ka isi naa kenne ch'ufa ira jira. Nami tokoleeni harka Abba dandae keesaa imfud'atu.

³⁰ Anaafi Abbaani kiyya nama taka.

³¹ Jennaani Yahudiini ammalle d'akhaye guuratte isa had'u feete.

³² Yesoni waan jed'eeni, Anini yayu huji dansa heddu, ta gara Abba kiyyati baate isani agarsiise; huji tana keesa tamiifi d'akhaani na haatani?

³³ Yahudiini waan jetteeni, Maro huji dansaatiifi si inhaanu, ammo maro atini Waaqa arabsiteefi si haana! Ammalle waan atini, ato namaatu, aka Waaqa ufi tolchiteefi.

³⁴ Yesoni waan worraani jed'e, Seera keesani keesati waan t'aafani Waaqi waan jed'e, Isaniini ch'uftinu Waaqoota.

³⁵ Nu imbeenna aka dubbini t'aafiini jettu ch'ufti hojja ch'ufa d'uga ammalle Waaqi worra inni d'aamsa ufii iti ergeeni Waaqoota jed'e.

³⁶ Na ammo Abba kiyyati na fohate lafati na erge, isani duuba maafi waan anini Ilma Waaqa ufiini jed'eefi, inni Waaqa arabsa naani jettani re?

³⁷ Yo anini huji Abba kiyya intolchine na ind'ugefatiina.

³⁸ Ammo yo anini tolche, yo na d'ugefachu baatanile, huji suni d'ugefad'a; aka isani aka dansa hubatani baratani, aka abbaani na keesa jiru, ka anileeni abba keesa jiru.

³⁹ Maro lameeso isa qabu fed'ani, ammo harka worraa duraa bahe.

⁴⁰ Ammalle Yesoni fulla Yohanani qara iti nama batise, ta galaana Yordanitiini gama d'aqe, achi tae.

⁴¹ Nami hedduuni gara isaa d'aqe waan jed'e, D'uguma Yohanani akheekha intolchine, ammo wonti Yohanani waan nama kana dubbate ch'ufti d'uga.

⁴² Nami hedduuni achiti isa d'ugefate.