Yoeli 1 - KITAABA WAAQA

¹ Tunini dubbi AABBO Waaqaa, ta Yoeli ilma Pethueliti d'ufte.

Aka biyyiti badi mid'aani worraati boote

² Jaarole, ch'aqasa; nama lafa Yuda tana tau, na d'agaya. Wonti akana kunini bara keesanifi bara aabbooti teesanile taka ya taate?

³ Ilmaani teesaniti hima; ilmaani teesanileeni ha ilmaani isiiti himtuti, ilmaani isiileeni ha d'aloota faana d'uftuti himtuti.

⁴ Tuuti awaanisaa woli gula mid'aaniti baafatte; waan tuuta toko iraa hafe tuuti taani d'ibiti nyaatte hobaase.

⁵ Hiriba keesaa kakaa, boboha, isani worra wo d'uge machau; isani worri daad'i d'ugu ch'ufti ooa; daad'i miooftu zabibu taani ya afaani isani fuud'ani.

⁶ Nyaapi awaanisaa ya lafa teennati baafatte; inni guddo irre qaba, ammalle heddu muumme inqamne; ilkaani isaa aka ilkaani korma nyeench'aa jirani, gaadeeni isaa aka d'ala nyeench'a jirti.

⁷ Inni zabibu teenna balleese, oda keenna nyaate fit'e. Qunch'e iraa follose lafa buuse, damele addeese lakise.

⁸ Aka intala dubra ta ch'arqi naqatte nama isi fuud'u ka due bootu, isanileeni boha.

⁹ Mid'aanifi daad'iini ta sila Mana Waaqaati baasani tokoleeni injirtu; qaaloleeni waan Waaqaa baaftu d'abde bohuu jirti.

¹⁰ Waan mid'aani balleesani, zabibuni godde, ejersi d'eed'anaefi, oobruuni onte, biyyeleeni booti.

¹¹ Isani worri oobru qotu, ufi jibbaad'a. Isani worri zabibu qorqoratu, boha, waan dargayefi garbufi waan oobrani ch'ufa balleesaniifi.

¹² Odafi zabibuni d'eed'anoofte godde, mukhi mid'aani qabu ch'ufti qanch'oorate dudue. Gammadi ya biyya iraa bade.

¹³ Ch'arqi naqad'a, boha, isani qaalole, ta huji Waaqaa hojatte sorio baaftu! Mana Waaqaa seena, halkani kana ch'ufa bohaa bula! Mid'aanifi daad'iini Waaqa keesanii baasani injirtu.

¹⁴ Gumi wolti yaama, guyya ufi agabsitani tolfad'a! Jaaroleefi nama lafa Yuda keesa tau ch'ufa Mana AABBO Waaqa keesani keesati wolwoldeesisa, isa yaamad'a.

¹⁵ Guyyaani AABBO Waaqaa ya d'iaate; guyyaani Waaqi Guddaani lafa balleesu. Mudamsu akamiti guyya suni jira!

¹⁶ Ato nu agarru, mid'aani nuraa balleesani, nu waan taanu inqamnu. Gammachufi qilit'ami Mana Waaqa keenna keesa injiru.

¹⁷ Lafti ya gogodde, sanyini iti fach'aasanileeni doote. Mid'aani gootarati naqani injirani, tanaafi kod'ooni ona taate baddi.

¹⁸ Looni burrisani d'ooani marra barbaadani, hooliyeleeni gaargalte ufi jibbaatte.

¹⁹ AABBO, anini siti boha; aduuni ya marrafi mukhale aka ibida gubde gossite.

²⁰ Bineensi alaleeni siti boha, waan madditi gogodde, ibidileeni marra gubeefi.