Yeremia 8 - KITAABA WAAQA

¹ Bara suni lafele hayyootatifi ta jaarole Yudatifi qaaloleetifi ta raagootatifi ta nama Yerusalemu keesati galu ch'ufa awaala keesaa alaati guurani.

² Fulla sila wolti guurani awaalani, lafeeni sunini akuma huura ufimaa lafa ch'iifti, aduufi jiaafi urji worri kunini jaalate hojate gula yae kad'atu durati afani.

³ Ammo gochiti hamtuni tunini, nami hafu ka lafa anini iti firfirse keesa qubatu, jireenna ira dua jaalata. Nami dubbi tana jed'e ana, AABBO Waaqa gudda.

Waan Waaqi ch'ubbicha tolchu

⁴ AABBO Waaqi waan nani jed'e, Waan atini gumi tiyyaani jettu, nami yo jige inkau? Nami yo kara iraa gore iti indeebiu?

⁵ Isani gumiini tiyya maafi naraa gortani, nati deebiu diddani re? Isani waan d'ara jabeesitani nati deebiu diddani.

⁶ Anini aka dansaa ch'aqase, ammo isani d'uga indubbanne, nami tokoleeni isani keesa ka ch'ubbu ufi iraa deebiti yokhaani anini maani yake? jed'e injiru. Nami ch'ufti karuma ufi deema, akuma farda duulaa ka aka male oriu.

⁷ Baboaloonaleeni woga deebiu imbeekha; sabaliisaafi worrabatafi hagayyoleeni hojja godaanuu malte imbeeti. Ammo gumi tiyya, isani seera anini isaniini fidu imbeetani.

⁸ Isani akami, Nuu wo beena seera AABBO Waaqale inqamna jettani? Ka ufuftu worri wo t'aafu dubbi seera garagalche balleese.

⁹ Jara keesani qarootale yayu ch'eersani; worri ya waan tahu wollaale t'urura keesa seene. Worri ya dubbi tiyya dide; qaroomi worri qabu maani?

¹⁰ Tanaafi anini oobru worraatifi nad'eeni worraale nama d'ibii kenna. Nami ch'ufti, diqaafi guddaleeni; kara ch'ubbutini beese horata. Raagootafi qaaloleeni biyya sobde balleesiti.

¹¹ Worri gumi tiyyaani madaani teesani woma keesa injirtu, Inuma fayyitani, lafaleeni, Nagaya, nagaya jed'e, ka ufiftu nageenni injirre.

¹² Gumi tiyya, isani waan waan hamtu kana taatanifi inch'eertani? Hiyo, isani diqole inch'eere, fuuli keesanileeni diqole ingolgolomne! Tanaafi akuma nami duri bade, isanileeni baddani. Gaafa anini isani gaargalchu, muummeeni teesani suni. Nami dubbi tana jed'e ana, AABBO Waaqa.

¹³ Anini gumi tiyya, akuma nami mid'aani ufi wolti guurru, guurru fed'e, ammo worri zabibu mid'aani inqamneefi oda mid'aani inqamne fakaata; obeensileeni ya qanch'oorate. Tanaafi anini nama gosa d'ibi lafa teesani fud'ach'iisa.

¹⁴ Gumiini Waaqa waan jettu, Nu maafi arma ch'iimna? Koota, dira jabeesani jaarani d'anne, achiti hobaana. AABBO Waaqi keenna ya duisa nuti mure, had'aa nu obaase, waan nu isati ch'ubbamneefi.

¹⁵ Nu nagaya barbaanne, ammo d'amne, fayyale barbaanne, ammo mudamsuuni nu qabate.

¹⁶ Nyaapi keenna dira Dani yayu seene; nu hafuura farda isaani ya d'ageenne. Hojja fardi worraa imimsu lafti ch'ufti inchochooti. Nyaapi keenna d'ufe, lafa teenna ch'ufafi waan keesa jiru ch'ufafi dira keennafi nama keesa taule ch'ufa balleesu fed'a,

¹⁷ AABBO Waaqi waan jed'u, Ufi eegad'a, anini bofa had'aa qabu ka nami dandae imbobaamne, siti erge, inni si nyaata.

Aka Yeremiani gosa isaati nahe

¹⁸ Laalala tiyya dandaani inqabaneesani; garaani kiyya ya hamaate,

¹⁹ Me ch'aqasa! Lafa ch'ufa keesa anini qonqo gumi tiyya ta, AABBO Waaqi Sioni keesa injiru? Hayyuuni Sioni achi injiru? jettu d'agaya. AABBO Waaqi, hayyuuni worraa, waan jed'u, Isani maafi na dallansiiftani waaqa harkaani boch'ani kad'attani akheekha woma keesa injirre durati gajettani?

²⁰ Biyyiti iyyite waan jettu, Adolesi ya dabre, mid'aani ya muratani, ammo nami d'ufe nu imbaamne.

²¹ Maro gumi tiyya madeesanifi, garaani kiyyaleeni ya madae; anini ya bohe ufi jibbaad'e.

²² Qorsi Gileadi keesa injiru? Ch'ireeyyini achi injirtu? Gumi tiyya maanifi infayyisini re?