Yeremia 44 - KITAABA WAAQA

¹ AABBO Waaqi waan Yahudi lafa Misiri keesa jirtu ta dira Migdolitiifi ka Tahapenesitifi ka Nofu keesa teetufi ta lafa suni keesa bitaa teetule nati hime.

² AABBO Waaqi, guddaani Israeli, waan jed'u, Isani badi hamtu anini Yerusalemufi dira Yuda ch'ufatini d'ufe ya agartani. Arrale diri sunini ona fakaata, nami tokoleeni keesa intau;

³ wonti akanatiifi worri dira suni waan hamtu tolche na dallansiise. Worri waaqoota d'ibi sorio baase, waaqoota isanifi ababooti teesani waan isii imbeenne, hojate.

⁴ Anini maro heddu raagoota hojattu tiyya isaniiti erge, ta waan hamtu anini jibbu tana intolchina isaniini jette.

⁵ Ammo isani dubbi suni inch'aqamne yokhaani inguunne. Ammalle aada hamtu waaqoota d'ibi sorio baaftanile lakisu diddani.

⁶ Tanaafi anini nama dira Yudatifi nama kara Yerusalemu gula yau ch'ufa iti dallane ibida iti tahe. Duuba dirafi karaani sunini bade ona tahe, haga arrale nami argu irruma rifata.

⁷ Tanaafi AABBO Waaqi, guddaani Israeli, waan jed'u, Isani maafi waan hamtu akana tana ufitini d'uftani d'iirafi nad'eenifi ijoolleefi daimale balleesitani, daara ufi d'owartani?

⁸ Isani maafi waan harkaani boch'ani kad'attani, lafa Misiri ta isani iti qubatani tana keesati waaqa d'ibi hit'aana aarsitani na dallansiiftani? Isani ufi balleesu feetanifi waan suni tolchitani? Aka nami lafa keesa jiru ch'ufti isani goyeese maqa keesanini woli abaaru.

⁹ Isani waan hamtu duri dira Yudatifi kara Yerusalemu keesaleti, hayyooti Yudatifi nad'eeni worraatifi isanifi nad'eeni teesanileeni tolchitani ya deetani?

¹⁰ Haga arrale isani waan suni illakimne yokhaani na inulfeesine, yokhaani seerafi aada tiyya, ta anini isanifi ababoota teesani kenne jabeesitani gula iyyaane.

¹¹ Tanaafi AABBO Waaqi, guddaani Israeli, waan jed'u, Anini badi isanitini d'ufe, worra Yuda ch'ufa balleesu male intau.

¹² Worri Yuda ka hafe, ka amma lafa Misiri d'aqe achi tau fed'u ch'ufa imballeesa. Worri sunini ch'ufti, diqaafi guddaleeni lafa Misiri keesati woraanafi yokhaani garaachani hobaa. Nami worra arge iraa rifate worra tufate maqa worratiini woli abaara.

¹³ Anini akuma worra Yerusalemu gaargalche akasuma worra lafa Misiri keesa jirule gaargalcha — woraanafi beelafi d'ukubaani.

¹⁴ Nami Yuda ka hafe ka amma d'ufe lafa Misiri tau, tokoleeni baqate duraa imbahu. Nami tokoleeni lafa Yuda, ta guddo iti deebiu fed'uti, indeebiu, nama tatake toko ka baqate male.

¹⁵ Jennaani nami d'iira, ka aka nad'eeni isaani waaqoota d'ibi hit'aana aarsitu beekhu, ammalle nad'eeni arti ejaanjitufi worri Israeli, ka lafa Misiri bitaa tauleeni ka gumiini sunini nama muumme inqamne waan nani jette,

¹⁶ Nu waan atini maqa AABBO Waaqatini nuni jette kana inch'aqamnu.

¹⁷ Nu waan, intolchina jenne kaani ch'ufa intolchina. Nu hit'aana waaqoota teenna hayyiti gubbati aarsine, daad'ile d'ibaayu baamnaafi, akuma nuufi ababoota teennafi hayyoota teennafi jaaroleeni teenna duri dira Yudatifi kara Yerusalemu keesati tolchine. Gaafasi nu guddo sagale qamna, horile guddo qamna, gaargali injiru.

¹⁸ Ammo haga nu hit'aana hayyiti gubbati aarsu lakimne, daad'ile d'ibaayu baasufi lakimne, ya wod'amne, ammalle nami keenna ya woraanafi beelaani hobae.

¹⁹ Ammalle nad'eeni suni waan jette, Gaafa nu qit'a hayyiti gubbaa fakeesine mid'aasine, hit'aana aarsineefi daad'i d'ibaayu baafneefi, d'iirsooti teennaleeni huji teenna imaachite.

²⁰ Jennaani anini nama d'iiratifi ka uwa, ka akasi nani jed'e

²¹ waan jed'eeni, Hit'aana isanifi ababoota teesanifi jaaroleeni teesani aarsitanifi ka nami lafa sunileeni dira Yudatifi kara Yerusalemu keesaleti aarsele — isani waan AABBO Waaqi quba inqamne yokhaani waan inni ded'e seetani?

²² Guyyuma kana lafti teesani badde ona taate, nama keesaa d'abani. Isii, nami yo arge iraa rifate, maqa isiitiini woli abaara; wonti akanatiifi AABBO Waaqi hameennaafi ch'ubbu isani tolchitani tana ya obsu dad'abe.

²³ Wonti badiini tunini isani qabateefi, waan isani waaqoota d'ibi hit'aana aarsitani, aadaafi seera AABBO Waaqa lakiftani, akasiini ch'ubbu ke buutani.

²⁴ Jennaani anini waan nad'eeni sunifi nama ch'ufaani jed'e, Isani, worri Yuda, ka lafa Misiri keesa tau, dubbi AABBO Waaqa ch'aqasa.

²⁵ Wonti AABBO Waaqi, guddaani Israeli, jed'u tana; isanifi nad'eeni teesanileeni kakhu jabdu hayyiti gubbati kakhatani waan jettaniini, Hit'aana sii aarsine, daad'i d'ibaayu sii baamna. Haga arraa isani kakhu suni ya guutani. Hayye, illakisina, guutuma guuta.

²⁶ Ammo amma tana kakhu anini, AABBO Waaqi, maqa kiyya jabaani isani worra Yahudi, ka lafa Misiri keesa jirtuti kakhad'e ch'aqasa. Anini iti deebie ee injed'u, aka isani nami tokoleeni maqa kiyyaani kakhate, anini Waaqa jiruni kakhad'a injenne.

²⁷ Anini hormaata isani d'owe, badiini isaniti d'ufa. Isani ch'ufti woraanaafi yokhaani d'ukubaani raawattani, nama tokole ka hafe d'abani.

²⁸ Ammo isani nami takeeni iraa hafe lafa Misiri keesaa lafa Yudati deebia. Duuba akanaani jari hafe suni dubbi tiyyafi ta worra, ta d'ugaa taate, gargari beekha.

²⁹ Anini, AABBO Waaqi, lafa tana keesati isani gaargalche; duuba akanaani aka dubbini, Anini isani balleese jed'e taani guutamtu beetani.

³⁰ Anini hayyu Hofra jed'ani, ka lafa Misiri, harka nyaapa isaa ka isa ijeesu fed'uti kenna, akuma anini duri Sedekia hayyu Yuda harka nyaapa isaa Nebukadreza, hayyu Babiloni, ka isaa ijeesu fed'eti kenne.