Yeremia 38 - KITAABA WAAQA

¹ Shefatia ilma Matanitifi, Gedalia ilma Pashuritifi Yukali ilma Shelemiatifi Pashuri ilmi Melikia waan anini biyyaani jed'u d'agayani, wonti anini biyyaani jed'e sunini tana:

² AABBO Waaqi waan jed'u, Nami dira kana keesati hafu, woraanafi yokhaani beelafi yokhaani d'ukubaani dua. Ammo nami d'ufe booju worra Babiloni kad'atu induu, Lubbu baha. Ammalle anini waan worraani jed'e,

³ AABBO Waaqi waan jed'u, Anini dira kana harka worra Babiloniti kenne, worri dabsate qaba.

⁴ Jennaani jari hojattu kaani gara hayyu d'aqe waan jed'e, Namicha kana ijeesu malani, dubbini isaa tunini askarti dira keesati haftele garaa laafifti, ammalle nama d'ibi ka dira keesati hafele, akasuma garaa laafifti. Inni diqole nama qarqaaruti injiru, ammo balleesuu jira.

⁵ Jennaani hayyu Sedekiani waan jed'e, Hayye, waan feetani tolfad'a, anini isani ind'owu.

⁶ Duuba worri na fuud'e, haadaani eela Malkiya, ka ilma hayyu, ka naabo mana hayyu keesaa, keesa na buuse. Ammo eeli sunini d'oqe male bisaani inqabu, duuba anini d'oqe suni keesa lit'e.

⁷ Ammo namichi sangaani toko, ka Ebedmeleki jed'ani, ka gosa Kushi, ka mana hayyu keesa hojatu, aka worri eela keesa na buuse d'agaye. Hayyichi hojja suni tae fulla Fullo Benjaminiti dubbi qoruu jira.

⁸ Jennaani Ebedmelekini achi d'aqe waan hayyichaani jed'e,

⁹ Ee hayyicha, worri kunini ya waan hamtu tahe, raaga Yeremia dabse, eela keesa buuse. Maro sagaleeni dira kana keesa injirreefi inni amma garaachumani dua.

¹⁰ Jennaani hayyichi waan Ebedmelekini jed'e Nama sadii fuud'i, ato inni indoone Yeremia eela keesaa fuud'a.

¹¹ Duuba Ebedmelekini jara suni fuud'e, mana miha keesati olkayani d'aqe, woya ch'ich'ite fuud'e, haadaani nati gabuuse.

¹² Duuba inni waan nani jed'e, woya ch'ich'ite tana bobaa jala keeyad'i, aka haadi siirinne. Jennaani anini akuma inni nani jed'e, suni tolche,

¹³ worri eela suni keesaa hirkise na fuud'e. Duuba eegi suni naabo keesati na hid'ani.

Aka Sedekiani Yeremia mala iraa fud'ate

¹⁴ Guyya d'ibi hayyichi Sedekiani na yaame, balbala sadeeso ta Mana Waaqatini seenani na geesani. Duuba inni waan nani jed'e, Wo si gaafad'a, waan tokole na ind'ossini, dubbi d'ugaa nati himi.

¹⁵ Anini waan jed'eeni, Yo anini d'uga dubbad'e atini na inijeeftu? Ato anini si gorsele atini na inch'aqaftu.

¹⁶ Jennaani hayyu Sedekiani d'ossaani nati kakhate waan jed'e, Anini maqa Waaqa nama uumetini kakhad'a, si inijeesu, yokhaani nama si ijeesule siti illakisu.

¹⁷ Jennaani anini waan Sedekiani jed'e, AABBO Waaqi, guddaani Israeli, waan jed'u, Yo atini askarti hayyu Babiloni booju kad'ate, lubbu tante baasani dira kanale gubu didani. Siifi worri kanketileeni inuma baha.

¹⁸ Ammo yo atini booju kad'achu didde, dira kana harka worra Babiloniti kennani worri gube balleesa, atinileeni harka worra jalaa imbaatu.

¹⁹ Ammo hayyichi waan nani jed'e, Anini gosa teenna ta qara worra Babiloniti harka kennate sodaad'a. Hegeri harka worra suniti na kennani na gaargalchani.

²⁰ Anini waan jed'eeni, Harka worra suniti si inkennani, waan AABBO Waaqi fed'u guuti, duuba wonti ch'ufti sii tolte, lubbule si baasani.

²¹ Ammo yo atini booju kad'achu didde, AABBO Waaqi yayu waan si tolchani daayya keesa na garsiise.

²² Daayya suni keesa anini nad'eeni mana hayyu Yuda keesati hafte, ta hojattu hayyu Babiloniti geesani arge. Waan ato yau worri jed'e ch'aqasi: Jaalani hayyu, ta inni d'ugeefatte, ya isa sobde dabsate. Amma miili isaa ya d'oqe keesa bade, jaalani isaleeni ya biraa yaate.

²³ Jennaani anini waan jed'eeni, Nad'eenifi ijoolle teetile worra Babiloniti geesani, atinileeni dandeete duraa imbaatu. Hayyichi Babiloni siqabe, dira kanale gubani balleesani.

²⁴ Sedekiani waan nani jed'e, Haasaa keenna kana d'ossi, nama tokoleti inhimini, duuba woma si intolchani.

²⁵ Yo jari hojattu tiyya kaani, aka nu wolhaasomne d'agaye hegeri worri d'ufe waan nu woliini jenne si gaafata. Hegeri worri waan siini jed'u, yo atini waan ch'ufa nuti himte si inijeemnu.

²⁶ Duuba atini waan jettuuni, Anini hayyicha mana Yonathani ka nama iti hid'ani geesite achiti na inijeesiini jed'e kad'ad'e.

²⁷ Jennaani jari hojattu kaani ch'ufti d'ufe woi na gaafate; aninileeni waan hayyuuni jed'i nani jed'e kaani akasuma iti hime. Wonti worri tahu d'ibiini injiru.

²⁸ Duuba haga guyyaani dira Yerusalemu dabsatani qabani gahuti, achuma naabo mana hayyu keesati na lakisani.