Yeremia 35 - KITAABA WAAQA

¹ Gaafa Yehoiakimuni, ilmi Yosia, lafa Yuda mohate, AABBO Waaqi waan nani jed'e,

² Gara worra gosa Rekabu d'aqi waan jettuuni, koota, Mana Waaqa keesa mana d'aatu toko duuda, daad'i d'uga.

³ Duuba anini Yaazania, ilma Yeremia, ka ilma Habaseniatifi oboleyaanifi ilmaani isa ch'ufa, (worra gosa Rekabu ch'ufa) fuud'e,

⁴ Mana Waaqatini d'ufe, fulla jari raaga Hanani, ka ilma Igdalia, jiru geese. Fullaani sunini fulla Maaseyaani, ilmi Shaluma, ka Mana Waaqa keesa huji jabdu qabu, iti galu d'aatu jirti, ammalle isiini d'aatu fulla hojattuuni d'ibiini iti galtu.

⁵ Jennaani anini muduunufi qori ta daad'iini miju worra Rekabu dura kaye, Daad'i d'uga jed'eeni.

⁶ Ammo worri waan nani jed'e, Nu daad'i ind'unnu. Ababooni keenna Yonadabuni ilmi Rekabu, nu gorse waan nuni jed'e, isanifi d'alooti keesanileeni daad'i ind'ugina.

⁷ Ammalle mana injaaratina, oobru mid'aanitifi ta zabibu inqotatina, yokhaani imbitatinale; waan akana kana tokole intolfatina, waaro keesa qubad'a. Duuba akasiini lafa keesa gogodaantani tana keesati turtani.

⁸ Nu dubbi Yonadabuni, ilmi Rekabu, nuni gorse ch'ufa ya guunne. Nu ufi daad'i ind'unnu, nad'eeni teennafi ilmaani teennaleeni ind'uddu.

^9-10 Nu mana injaaranu ammo waaro keesa teenna; ammalle oobru zabibutifi ta mid'aanile inhorannu. Nu waan ababooni keenna Yonadabuni nu seera ch'ufa ya guunne.

¹¹ Ammo gaafa Nebukadrezani, hayyuuni Babiloni lafa teenna had'u d'ufe, nu waan jenne, koota, Yerusalemu yaana, aka duula Babilonitifi ka worra Shamu duraa baanu. Duuba nu akasiini Yerusalemuti hamne.

^12-13 Jennaani AABBO Waaqi guddaani Israeli, waan nani jed'e, wonti anini siini jed'u tana: Kai, gara worra Yudatifi ka Yerusalemu d'aqi waan jettuuni, Isani woma imbarattani ka dubbi tiyya gula deemu diddani.

¹⁴ Nami Yonadabuni d'ale yayu dubbi isaa guute daad'i d'ugu dide haga arrale worri nami tokoleeni ka daad'i d'ugu injiru. Anini yayu guyya ch'ufa isani gorse ammo isani na inch'aqamne.

¹⁵ Anini maro heddu raagoota hojattu tiyya isaniti erge worrileeni isani gorse waan jed'e, Isani nami ch'ufti hameenna lakisa, waan d'uga gula yaa. Waaqa d'ibi gula yaatani inhojatinafi. Duuba yo suni, lafa anini ababoota teesani kenne nagayaani keesa teetani. Ammo isani dubbi tiyya ind'ageenne yokhaani na jalaa inqamne.

¹⁶ Nami Yonadabuni d'ale yayu dubbi ababo worraa gula yae, ammo isani dubbi tiyya gula yau diddani.

¹⁷ Tanaafi amma tana, anini AABBO Waaqi, guddaani Israeli, waan jed'u: ch'aqasa, anini worra Yudatifi nama Yerusalemu keesa tau ch'ufa badii anini hime ch'ufa worratiini d'ufa. Anini qara isani gorse ammo d'agayu diddani, isani yaame ammo owaachu diddani.

¹⁸ Jennaani anini waan worra gosa Rekabutini jed'e AABBO Waaqi, guddaani Israeli, qara waan isaniini jed'e, Isani gorsa ababooni keesani Yonadabuni isaniini gorse guutani dubbi isa gula yaatani waan inni isani seere ch'ufa ya jabeesitani.

¹⁹ Tanaafi wonti AABBO Waaqi guddaani jed'u tana: Yonadabuni, ilmi Rekabu, d'aloota isaa keesa nama d'iira ka na hojatu ind'abu.