Yeremia 34 - KITAABA WAAQA

¹ Gaafa Nebukadrezani hayyu Babilonitifi duula isaatifi duuli gosa d'ibi ka lafti worraa finna isaa jala jirtuleeni d'ufe Yerusalemufi dira d'aatu jiru ch'ufa had'e, AABBO Waaqi nani dubbate.

² Wonti AABBO Waaqi Israeli jed'e tana: Gara Sedekia hayyu Yuda, d'aqi waan jettuuni, AABBO Waaqi waan jed'u: Anini dira kana harka hayyu Babiloniti kenne, duuba inni gube balleesa.

³ Atinileeni duraa imbaatu; si qabani, harka isaati si keennani. Atini iluma teetiini hayyu Babiloni agarte inni afaanuma ufitini siini dubbata; duuba lafa Babiloni deemta.

⁴ Sedekia, waan anini siini jed'u ch'aqasi. Atini woraana keesati indootu,

⁵ ammo kama nagaya qabdu doota. Ammalle biyyiti akuma gaafa ababoota tante ta si durati hayyu taate, awaalte hit'aana aarsitefi akasuma sile hit'aana aarsani. Duuba hayyuuni keenna ya due jed'ani sii bohani. Nami dubbi tana jed'e ana, AABBO Waaqa.

⁶ Jennaani anini d'aamsa kana hayyu Sedekia ka Yerusalemu jiruti hime,

⁷ ka duuli hayyu Babiloni dira suni had'uu jiru. Duuli sunini Lakishifi Azekale had'uu jira. Dira jabeesani jaarani, ka Yuda keesati hafe, dira lamaani suni ch'alla.

Aka tissele sobani balleesani

⁸ Hayyu Sedekiafi worri Yerusalemuleeni wold'agani, aka

⁹ nami ch'ufti tisse ufi ta gosa Ebrania, ta d'iiratifi ta uwale, gad'iisu, aka nami tokoleeni nama gosa Israeli tisse tolfate manati ingalfanne.

¹⁰ Gumi ch'ufafi jaaroleeni ee jette, aka tisse ufi gad'iisani, deebiani tisse intolfanne. Worra akasuma gad'iisani,

¹¹ ammo eege garagalani tisse suni deefatani irreeni hojachiifatini.

¹² Jennaani AABBO,

¹³ Waaqi Israeli waan nani jed'e, Waan atini gumi tanaani jettu: gaafa anini ababoota teesani lafa Misiri keesaa baase tissooma keesaa galakise, anini wold'aqisa worra woliini tolfad'e. Anini waan worraani jed'e,

¹⁴ Eegi ganni torba dabre ch'ufa nama gosa teesani ka Ebrania, ka isaniti gurgurani, ka ganna jaa isani hojate, galakisa. Ammo ababooti teesani na ch'aqasu didde dubbi anini jed'eenile na jalaa qabu dide.

¹⁵ D'iuma tana isani waan na gammachiisa tolchitani, isaniini ch'ufti ee jettani, aka nama gosa teesani ch'ufa galakiftani. Ammalle isani mana kiyya ka keesati na kad'atani keesati wold'aqisa na durati tolfatani.

¹⁶ Ammo eegi suni isani ammalle garagaltani na ch'eersitani. Isaniini ch'ufti tissele isani ga d'iiftani taani deefatani irreeni hojachiiftani.

¹⁷ Tanaafi wonti amma AABBO Waaqi jed'u tana: Isani yayu seera kiyya ch'absitani; isani nama gosa teesani balchuma kennuufi diddani. Hayye hataatu, aninileeni balchooma isanii kenna: balchoomi kunini ka woraanafi beelafi d'ukubaani isani hobaasu. Gochiti lafa keesa jirtu ch'ufti, yo waan anini isani tolchu agartu, irifati.

^18-19 Jaaroleeni Yudatifi ta Yerusalemutifi qaaloleefi jari worraa gugurdaani ch'ufti wold'aqisa na woliini tolfatani, korma looni ka worri gargari falaanse jiddu keesa yaani. Ammo worri wold'aqisa suni ch'abse, seera isaa jabeesu dide. Tanaafi anini worra kana waan worri sunini korma suni tolche tolcha.

²⁰ Anini worra harka nyaapa isaani, ka worra ijeesu fed'uti kenne, reefi worraa sagale allaatitifi ta bineensa ala taha.

²¹ Ammalle anini Sedekia hayyu Yudatifi hojattu isaale nyaapa isaani ka worra ijeesu fed'uti kenna. Anini worra suni harka duula hayyu Babiloni, ka amma had'iisa keesani lakiseti kenna.

²² Anini qonqo iti erge, duuba worri dira kanati deebie, dabsate gube balleesa. Anini dira Yuda ch'ufa balleese lafa aloo ta nami keesa injirre tolcha. Nami dubbi tana jed'e ana, AABBO Waaqa.