Yeremia 3 - KITAABA WAAQA

¹ AABBO Waaqi waan jed'u, Yo nami niiti ufi jalaa baase, nami d'ibiini isii fuud'e, inni dandae deefata? Lafti suni yo akasi int'urooftu? Ammo isani worri Israeli ka jaalani heddu qabdani, nati deebiu feetani?

² Fiit'e gaareeni laala. Fullaani isani aka sharmut'a iti intahini injirti? Isani d'aatu kara teetani, jaallowaani teesani eeddani, akuma Araftini lafa gamooji keesati nama ijeeftu eegatu. Isani lafa yayu Sharmut'oma keesanini t'ureesitani.

³ Tanaafi furmaata d'abdani gannileeni isanii roobu dida. Isani sharmut'uma d'uga fakaatani, diqole ch'eera inqabdani.

⁴ Ammatana waan nani jettani, Atini abba keenna, haguma ijoolluma teennati asi nu jaalata.

⁵ Atini haga jirtu nuti indallanta? Dallansuuni tante haga jirtu nu jalaa ingaltu? Ee Israeli, dubbini teesani tanuma, ammo haga dandeetani hameenna tolchitani.

Aka worri Israelitiifi ka Yuda ch'ubbu iraa deebiu male

⁶ Gaafa Yosiani hayyu, AABBO Waaqi waan nani jed'e waan niitiini sharmut'itini Israeli jed'ani suni tolchite, agarte? Isiini naraa gorte kubile d'ed'eertu ch'ufa iraafi mukeeni gugurdo dodoti ch'ufa jalati ya huji sharmut'a hojate.

⁷ Anini waan jed'e, Hegeri isiini, eegi waan kana ch'ufa taate, nati deebiti. Ammo isiini nati indeebine, oboleetini isii ta Yuda jed'ani hamtuni taanileeni waan kana ya agarte.

⁸ Yudaleeni oboleetini isii hamtuni suni aka anini worra Israeli ufi biraa gusse agarte. Ammo taatule isiini na sodaachu didde, ufile sharmut'a taate,

⁹ ch'eera d'abde. Isiini lafa t'ureesite, d'akhaafi mukhaa kad'atte, akasiini sharmut'a taate.

¹⁰ Eegi waan kana ch'ufale, Yudaani, oboleetini Israeli hamtuni taani, garaa tokooni nati indeebine, ammo na sosobde. Nami dubbi tana jed'e ana, AABBO Waaqa.

¹¹ Jennaani AABBO Waaqi waan nani jed'e, Ato Israeliini na lakiftele, worri worra Yuda hama kaani iraa gooma.

¹² Beeni, worra Israelitini waan atini jettu, Worra Israeli ka na didu, nati deebia. Anini naaso deebie isaniti indallanu,

¹³ nami wollaala qabu nu, yayu AABBO Waaqa keennati ch'ubbamne ch'alla jed'a. Nu mukeeni gugurdo ch'ufa jalati waaqa d'ibi jaalane, gula yaane, seera kanke yakinele jed'a. Nami dubbi tana jed'e ana, AABBO Waaqa.

¹⁴ Worra na didu kana, nati deebia, isani kiyyuma. Anini nama toko dira ch'ufa keesaa fuud'e lamale balbala gosa ch'ufa keesaa fuud'e, gaara Sioniti isani deebisa.

¹⁵ Anini jara naa saalfatu, ka isani fidu, isanii kenne, worri qaroomafi qalbiini isani fida.

¹⁶ Duuba yo isani lafa suni keesati hortani daraartani, nami deebie waan Sanduqa Wold'aqisa kiyya indubbatu, deebiani odu inkasani yokhaani inqaabatani; worri deebie woma ira inqabu, yokhaani ka d'ibile imid'aasani.

¹⁷ Hojja bari sunini d'ufu, Yerusalemuni barch'uma AABBO Waaqa jed'ani ammalle gochiti ch'uftileeni achiti wolti baate na kad'atti. Worri deebie waan garaani worra jajabaani ch'ubbichi yaadu gula iyyaau.

¹⁸ Israelifi Yudaani takaa taate, wolumaani lafa qara worra iti boojiani, ta mirgati d'ufani, lafa anini duri ababoota isaniti d'aala kenneti galani.

Aka gumiini Waaqa, Waaqa d'araa kad'ate

¹⁹ AABBO Waaqi waan jed'u, Israeli anini ilma isani tolfad'e, lafa dansa lafa ch'ufa iraa mid'aadu isanii kennu fed'e. Ammalle waan isani aabbo nani jettanifi waan isani deebitani naraa gortani inseenne.

²⁰ Ammo akuma niiti hamtu isani nati hammaattani. Nami dubbi tana jed'e ana, AABBO Waaqa.

²¹ Iyyanna fiit'e gaareeni gubbati d'agayani; iyyanti suni bohafi kad'acha worra Israeliti, waan worri kara d'uga lakise AABBO Waaqa isaanii ded'eefi.

²² Isani ch'ufti ka AABBO Waaqa iraa gortani, isati deebia; inni isani fayyise nama d'uga isani tolcha. Isani waan jettani, nu AABBO Waaqati deebina, inni Waaqa keenna.

²³ Kad'achaani gaara irati nu waaqa d'ara kad'annu woma nu imbaane, qarqaarsi Israeli garuma AABBO Waaqa keenna ch'allaa d'ufa.

²⁴ Ammo kad'achaani waaqa Baali jed'ani, ka ch'eeraani nama balleesu yayu loonifi reefi dubrafi d'iirale nu d'owarte — waan ababooti teenna haguma duriti hojate horate ch'ufa.

²⁵ Nu ch'eeraani gach'iimne, ch'eeri sunini nu ukaamsu male. Nufi ababooti teenna haguma duriti yayu AABBO Waaqa keennati ch'ubbamne; nu takaa seera isaa inguunne jettani.