Yeremia 29 - KITAABA WAAQA

¹ Anini gara qaaloleetifi raagootafi jaarole gumitifi nama Nebukadrezani Yerusalemu keesaa boojie Babiloni geese ch'ufa tatabe tana t'aafe.

² Anini eegi hayyu Yehoiakinifi haad'a isaatifi hojattu mana hayyutifi jaarole Yudatifi ta Yerusalemutifi ogeeyifi nama huji harkaa beekhu ch'ufa boojiani tatabe tana t'aafe.

³ Duuba anini tatabe tana harka Elasa, ilma Shafanitifi Gemaria ilma Hilkia. Ka, Sedekiani hayyuuni Yuda Nebukadreza hayyu Babiloniti erguti kenne. Tatabeeni suni akana jetti:

⁴ AABBO Waaqi, guddaani Israeli, waan nama ch'ufa ka Nebukadrezani Yerusalemu keesaa fuud'e Babiloni geesaani jed'u:

⁵ Mana jaarad'a iti gala; oobru oobrad'a, waan isiini baaftu nyaad'a.

⁶ Wolfuud'a ilmaani d'ala; ilmaani teesanile wolfusisa, worrileeni ha ilmaani d'aluti indiqaatina, hora, lafa ira dabra.

⁷ Dira anini iti isani geese suni keesati nagayafi hormaata barbaada. Worra dira suniiti jed'a, Waaqa kad'ad'a, wonti akanatiifi yo worri hore isanileeni ya hortani.

⁸ Anini AABBO Waaqi Israeli waan isaniini jed'u, Raagootafi worri wo himu, ka isani woliini tau, isani insobini. Oobju worrale inch'aqasina.

⁹ Worri maqa kiyyaani waan d'araa isanii faguu jira, anini worra inergine. Nami dubbi tana jed'e ana, AABBO Waaqa.

¹⁰ AABBO Waaqi waan jed'u, Yo ganni torbatama dabre lafti Babiloni guddinna ufi d'abde anini isani nahe worrati isani galche, akasiini kakhu tiyya guuta.

¹¹ Anumati herega anini isanii qabu beekha, aka hormaatani isanii d'ufe badii isani d'owu, ammalle aka waan dansa isani abdatani ch'ufa isanii kennu.

¹² Duuba isani na yaamattani d'uftani na kad'atani, aninileeni kad'acha teesani isanii d'agaya.

¹³ Isani na barbaadani, waan garaa tokooni na barbaadaniifi na agartani.

¹⁴ Ee, isani na agartani, aninileeni lafa teesaniti isani deebisa. Nami dubbi tana jed'e ana, AABBO Waaqa.

¹⁵ Isani hegeri waan nani jettani, AABBO Waaqi lafa Babiloni keesa yayu raaga nuu kenne.

¹⁶ Waan hayyu dira Daudini duri fidetifi waan worra dira kana keesa tau, fiit'a teesani ta isani woliini imboojiini ka AABBO Waaqi jed'u ch'aqasa.

¹⁷ AABBO Waaqi guddaani waan jed'u, Anini woraanafi beelafi d'ukuba worratiini d'ufe oda shame ka nami nyaachu indandeenne worra tolcha.

¹⁸ Anini worra lakisu dide, woraanafi beelafi d'ukuba worratiini d'ufa, gochiti lafa keesa jirtu ch'ufti waan agarte suni iraa rifati. Fulla anini worra iti firfirse ch'ufa, nami waan worri tahe iraa rifate mudame. Worra goyeesani maqa worraatini, nama abaarani.

¹⁹ Wonti woni kunini ch'ufti worrati d'uftufi, waan worri qonqo anini bara ch'ufa raagoota hojattu tiyyaatini worrati erge ch'aqasu dideefi.

²⁰ Isaniini ch'ufti, ka anini lafa Babiloni geese, waan anini, AABBO Waaqi jed'u, ch'aqasa.

²¹ Wonti AABBO Waaqi, guddaani Israeli, waan Ahabu ilma Kolayatifi Sedekia ilma Maaseya, ka maqa kiyyaani dubbi d'ara isani faguuni jed'u tana; anini harka hayyu Babiloni ka Nebukadreza jed'aniti worra kenne, inni ila teesani durati worra fit'a.

²² Hojja worri Yerusalemu keesaa boojiani lafa Babiloni geesani nama abaaru fed'u. Worri waan jed'u, AABBO Waaqi aka Sedekiafi Ahabu, ka hayyuuni Babiloni ibidaani gube hobaase si tolchinna!

²³ Wonti worri gaargala suni argatuufi worrati Israeli keesati waan dabaa tahe: Worri nad'eeni biyya barate, ammalle maqa AABBO Waaqatini d'ara dubbate. Wonti worri tolchu kunini waan Waaqi fed'uniti; inni waan worri tolche beekhe ila ufitini arge. Nami dubbi tana jed'e AABBO Waaqa.

Tatabe Shemayani t'aafe

^24-25 AABBO Waaqi, guddaani Israeli, waan nani jed'e, waan atini Shemaya ka gosa Nehelamitini jettu: Atini maqa kanketini tatabe gara worra Yerusalemutifi qaallicha Sefania ilma Maaseyatifi qaalole taani ch'ufati t'aafte. Tatabe suni keesa atini waan Sefaniani jette,

²⁶ AABBO Waaqi yayu fulla Yehoyada qaallu si tolche, inni amma yayu gudda Mana Waaqa si tolche. Atini nama marata, ka raaga ufiini jed'u ch'ufa, sansalatani hid'i, haada sibiila mormati kayi.

²⁷ Atini maanifi Yeremia, ka worra Anathothi, ka raaga ufi tolche biyyati woi himuti inkayini?

²⁸ Inni nu worra Babiloni jiru qonqo tana nuti erge waan jed'u; isani guddo achiti turtani, mana jaarad'a iti gala oobru oobrad'a, waan isiini baaftu nyaad'a jed'a.

²⁹ Ammo qaallichi Sefaniani tatabe suni naa soome.

³⁰ Jennaani AABBO Waaqi waan nani jed'e,

^31-32 Qonqo tana gara worra boojiani Babiloni geesaniti ergi waan jettuuni: Wonti Shemaya ka AABBO Waaqi jed'u tana: Anini, AABBO Waaqi, Shemayaafi d'aloota isaa ch'ufa ingaargalcha. Anini isa inergine, ammo inni raaga ufi tolche, isanii fage, dubbi d'ara isani d'ugefachise. Inni gosa teesani keesaa bada, ilmaani inhoratu, yokhaani waan dansa ka anini gumi tiyya tolchu inargu; wonti akanatiifi inni worraani, Waaqa dida jed'e barsiise. Nami dubbi suni jed'e ana, AABBO Waaqa.