Yeremia 26 - KITAABA WAAQA

¹ Akuma Yehoiakimuni, ilmi Yosia, hayyu Yuda taheeni,

² AABBO Waaqi waan nani jed'e, Naabo Mana Waaqa keesa eji, dubbi anini, dira Yudati himi siini jed'e tana, worra Waaqa kad'achu d'ufeti himi. Waan tokole inhambisini.

³ Hegeri worri ch'aqase kara ufi hama iraa deebiafa. Yo worri akasi tahe, anini waan hamtu qara worra tolcha jed'e herege, illakisa.

⁴ Duuba waan jettuuni, AABBO Waaqi waan jed'e, Yo isani na ch'aqaftani, seera kiyya ka anini isanii kenne guutu baatani,

⁵ raagoota hojattu tiyya, ta anini bara ch'ufa isaniti ergele ch'aqasu diddani.

⁶ Anini mana kana aka Shilo tolche, dira kanale waan nami lafa ch'ufa woliini abaaru tolcha.

⁷ Qaaloleefi raagootafi gumiini ch'ufti ana, Mana Waaqa keesati, dubbi tana jed'u d'ageennaani,

⁸ akuma anini dubbi AABBO Waaqi jed'i nani jed'e taani buufad'eeni worri sunini ch'ufti na qabe, iyye waan jed'e, Atini maro dubbi tana jetteefi duu malte!

⁹ Atini maanifi maqa AABBO Waaqatini, mani kunini akuma Shilo tae, diri kunileeni nama d'abe bade ona taha jetta? Jennaani gumiini ch'ufti na marsite.

¹⁰ Jaaroleeni Yuda waan tahe kana d'ageennaani mana hayyu keesaa baate, harifate Mana Waaqa d'ufte, fulla fullo Hareeti jed'ani Koraa teteette.

¹¹ Jennaani qaaloleefi raagooti waan jaaroleefi gumiini jette, namichi kunini duu male, waan inni aka dira keenna balleesani fageefi. Isanileeni waan suni ya gurra keesanini d'ageetaniyu?

¹² Jennaani anini waan worraani jed'e, Nami na erge, badii Mana kanatifi ta dira kana fagi nani jed'e AABBO Waaqa.

¹³ Kara gula yaatani kana lakisa, Finna keesani jijirad'a, AABBO Waaqa keesani saalfad'a. Yo isani akasi taatani, inni herega qara dira kanaani balleese jed'e kaani illakisa.

¹⁴ Ammo anini harka keesani keesa jira! Waan feetani ka d'uga seetani na tolcha.

¹⁵ Ammo waan toko hubad'a: yo na ijeeftani, isanifi nami dira kana yayu nama woma iyyakini ijeeftani wollaala seentani; wonti akanatiifi nami na erge dubbi suni, worra kanati himi nani jed'e, AABBO Waaqa.

¹⁶ Jennaani jaaroleefi gumiini ch'ufti waan qaaloleefi raagootaani jette, Nami kunini maqa AABBO Waaqa keennatini nuni dubbate, tanaafi inni duu himmalle.

¹⁷ Duuba jaaroleeni gari olkakaate, waan gumi artiti wolti baate sunini jette,

¹⁸ Gaafa Hezekiani hayyu Yuda, raagi Mikaya jed'ani, ka lafa Morashti, d'ufe waan gumi Yuda ch'ufaani jed'e. AABBO Waaqi guddaani waan jed'u, Sioni aka oobru qotani Yerusalemuni huura wolti harani taate, gaari Mana Waaqa danqara taha.

¹⁹ Hayyu Yuda ka Hezekia jed'anifi gumiini Yuda ya Mikaya ijeefte? Hezekiani AABBO Waaqa sodaate, qarqaarsa inkad'anne? AABBO Waaqi badi qara worra balleesu fed'u illakimne? Nu diquma badi hamtu ufiini ind'ufini.

²⁰ (Namichi toko ka Uria, ilma Shemaya jed'ani, ka Kiriath-Yearimu bahe, innileeni akuma Yeremia kana maqa AABBO Waaqatini badi dira kanatifi gosa tana hime.

²¹ Hayyichi Yehoiakimu jed'anifi askarti isaatifi jaaroleeni isaaleeni waan Uriani jed'e d'ageennaani, hayyichi aka isa ijeesu malate. Ammo Uriani waan suni d'ageennaani mudame, lafa Misiriti baqate.

²² Ammo hayyichi Yehoiakimuni Elnathani ilma Akboritifi nama d'ibi lafa Misiriti erge, Uria barbaada kootani jed'e.

²³ Duuba worri isa qabe, hayyicha Yehoiakimu duraani d'umnaani inni isa ijeese, reefa isaa fulla nama ch'ufa iti awaalani buuse.)

²⁴ Ammo waan Ahikamu, ilmi Shafani, naa kalcheefi anini harka gumi suni ka sila na ijeeftu jalaa bahe.