Yeremia 22 - KITAABA WAAQA

¹ AABBO Waaqi waan jed'u: Mana hayyu Yuda d'aqi dubbi tana iti himi,

² waan jettuuni, Dubbi AABBO Waaqa d'agaya, Ee hayyu Yuda, ka barch'uma Daudi ira tau siifi jaarole teetifi nama kanke ka fullo tanaani olseenu ch'ufti.

³ Wonti AABBO Waaqi jed'u tana, waan d'ugaatifi ka qajeela tolcha; nama dabsani harka nama dabsu jalaa baasa. Nama gosa d'ibitifi hiyyeeyifi nad'eeni hiyyeeyile gaargalchitani indabsina; ammalle fulla qulqullo tanati nama woma iyyakini infit'ina.

⁴ Yo isani d'uguma waan anini jed'e kana tolchitani, duuba nami d'aloota Daudi, yo ch'ufa hayyu tahe, jaarole ufitifi gumi worra woliini, fullo mana hayyu tana gaarifi farda yaabate olseena.

⁵ Ammo yo isani waan anini tolchu diddani, anini inkakhad'a aka mani kunini ona tahu. Nami dubbi tana jed'e ona AABBO Waaqa.

⁶ Mani hayyu Yuda, aka lafa Gileaditifi gaareeni Lebanoni nati mid'aaga. Ammo anini ona nami keesa injirre isa tolcha.

⁷ Anini nama isa balleesu, ka d'agara ufii harkaa qabu, siti erga. Duuba worri utuba hind'eesa mimid'aaga ch'ire ibida keesati d'abba.

⁸ Eegi suni nami gosa d'ibii hedduuni d'aatu bahe dabre wolgaafate waan jed'u, AABBO Waaqi dira gudda kana akana tolche?

⁹ Duuba worri waan jed'u, Waan worri Wold'aqisa AABBO Waaqa isaani lakise waaqa d'ibi gula yae hojateefi akasi tolchani.

Waan Yohazi ka Yeremiani d'aame

¹⁰ Worra Yuda, hayyu Yosia jettani imbohina; duisa isaale imbohina. Amma ilma isaa Yohazi boha, ka nyaapi boojie itiini d'aabatu, ka deebie lafa iti d'alate tana ingarre.

¹¹ Waan Yosia, ka ilma Yohazi jed'ani, ka fulla abba isa hayyu Yuda tahe, AABBO Waaqi waan jed'u: Inni ya armaa deeme deebie asi indeebiu.

¹² Inni lafa iti boojiani keesati dua, deebie lafa tana inargu.

Waan Yehoiakimu ka Yeremiani d'aame

¹³ Nami mana ufi kara ch'ubbutini jaarate, ammalle kara hameennatini mana d'ibi iti dare jaare, ka nama lafa ufi hojachiise hori d'owate, ya bade!

¹⁴ Nami, anini mana gudda jaarad'e, gubbale mana d'ibi iti dare ballisa jed'u, ya bade! Duuba inni deresha gugurda iti mid'aase mukha hind'eesatini barreese, hallu diimtuni ch'okha.

¹⁵ Yo atini mukha hind'eesatini mana jaarate, waan hayyoota ch'ufa ira jirtu ufi seeta? Abbaani kanke nyaate d'uge waan d'ugaatifi ka qajeela gula indeemne? Tanaafi inni waan tolchu ch'ufa keesa eeba argate.

¹⁶ Inni dubbi hiyyeesa d'uga gula qore, tanaafi waan tolche ch'ufa keesati eeba argate. AABBO Waaqi waan jed'u, Waaqa beekhitini waan akanatiniiti?

¹⁷ Ammo atini ufo dabaati, woma ke ch'alla feeta; atini nama woma iyyakini ijeefte, irrumani gosa te dabsite. Nami dubbi tana jed'e, AABBO Waaqa.

¹⁸ Tanaafi AABBO Waaqi waan Yehoiakimu, ilma Yosia, ka hayyu Yuda, akana jed'a: Nami tokoleeni ka isaa bohu injiru, yokhaani oboleesi kiyya ya bade; eesa arga? jed'e injiru! Nami tokoleeni ka boheefi, Aabbo kiyya, hayyu kiyya jed'u injiru.

¹⁹ Akuma harre doote dira Yerusalemu keesa alaati hirkisani gatani.

Waan badi Yerusalemu ka Yeremiani d'aame

²⁰ Worra Yerusalemu waan goli teesani dabsatanifi, Lebanoni d'aqa iyya, lafa Bashanile d'aqa, arrifad'a; gaareeni Moabule keesa arrifad'a.

²¹ Gaafa isani quufa qabdani, ka isani nagayaani teetani, AABBO Waaqi isaniini dubbate ammo ch'aqasu diddani. Karaani haguma duriti isani keesati fidamtani sunuma; isani takaa AABBO Waaqaa insaalfanne.

²² Jaarole teesani bubbeeni fud'atte, goli teesani ch'ufa boojiani, nama dira keesani maro ch'ubbu teesanitifi ch'eersani balleesani.

²³ Isani mana hind'eesa Lebanonitini jaaratani nagayaani keesa teetani; ammo hojja gaargali aka nad'eeni d'alaa ch'ininfatu isaniti d'ufu, aka male mudamtani.

Aka Waaqi Yehoiakini gaargalche

²⁴ AABBO Waaqi waan Yehoiakini ilma Yehoiakimu, ka hayyu Yudatini jed'e, Anini maqa Waaqa jirutini kakhad'a, ato atini qube tiyya ta beesisa, ta harka mirgicha taatele, anini ufira si baase

²⁵ harka nama atini sodaatu ka si ijeesu fed'uti sii kenna. Anini harka hayyu Babiloni, ka Nebukadreza jed'anitifi askarti isati si kenna.

²⁶ Anini siifi haatetile, lafa d'ibi isani geese, harka nyaapati isani kenne, achiti dootani.

²⁷ Isani aka lafa tanati deebitani d'araatani, ammo dandeetani indeebitani.

²⁸ Anini waan jed'e, Namichi Yehoiakini jed'ani kunini, ya okote faara, ta nami infeene, ta ch'abt'e gatani, tahe? Wonti isaafi ilmaani isaa boojiani lafa worri waan isii imbeenne geesanifi tana?

²⁹ Ee lafa! Ee lafa! Ee lafa! Waan AABBO Waaqi jed'e ch'aqasi:

³⁰ Wonti namicha kanaa heregani, aka inni ilmaani d'abe, hormaatafi nagaya waan ch'ufa d'abe, ammalle nama d'aloota isaa ka barch'uma Daudi ira tae lafa Yuda fidule d'abu. Nami dubbi tana jed'e ana, AABBO Waaqa.