Yakobo 4 - KITAABA WAAQA

¹ Had'iisafi loli jiddu teesani jiru ch'ufti eesaa baha? D'araa garaa keesani keesaa baha, ta hojja ch'ufa nafa keesaniini wolhaatu.

² Hojja wo feetani ammo waan kaani d'abdani, isani kurfo jirtani, aka nama ijeeftani; woi d'araatani, yo argachu dad'abdani, loltani wolhaatani. Wonti isani waan feetani inarganneefi, waan isani Waaqa inkad'anneefi.

³ Yo kad'attanile inargattani, wonti akanatiifi heregi keesani hama, waan isani gammachiisa ch'alla kad'achu feetani.

⁴ Isani worra d'ugefacha inqamne! Aka yo jaala lafa tahani, nyaapa Waaqa tahani imbeetani? Nami jaala lafa tahu fed'u ch'ufti nyaapa Waaqaa taha.

⁵ T'aafi qulqullo ta, lubbuuni Waaqi woliini nu d'ale d'araa hamtuuni guutamte jettu, waan isiini ufumaa jettu insehiina.

⁶ Ammo eebiti Waaqi namaa kennu hagasi ira jabdu. Wonti akanatiifi t'aafiini waan jettu, Waaqi nama ufi guddisu dide, ka ufi diqeesu eebisa.

⁷ Tanaafi Waaqa sodaad'a, Sheet'ana dida, yoosi isani bira baqata.

⁸ Waaqati d'iaad'a, innileeni isaniti d'iaata. Harka keesani diqad'a, worra daba! Garaa keesani diqad'a, kiyyibdoole!

⁹ Lalefad'a, boa, imimaani d'aana; kobla lakisa boa; gammada lakisa lalefad'a!

¹⁰ Waaqa durati ufi diqeesa, duuba inni oli isani fuud'a.

Hameenna wolinqoriina

¹¹ Hamtu wolindubbatiina, oboleyaani tiyya. Nami hamtu oboleesa ufi dubbate yokhaani isa qoru ya waan hamtu Seeraa dubbate qore. Yo Seera qortani, isani nama Seera guutuuniti, ammo ka Seera qoru.

¹² Waaqa ch'allati seera baase qora. isa ch'allati dandae nama baase balleesa. Ati maani ufi seeta, ka nama d'ibi qortu?

Yo Waaqi jed'e

¹³ Worri, Arra yokhaani bori dira toko d'anne, ganna toko achi teenne, daldalle, duroomna, jed'u, na d'agaya.

¹⁴ Isani waan jireenna keesani ka bori imbeetani! Wonti akanatiifi isani hurri fakaattani, ta haga diqa toko mullatte duuba baddu.

¹⁵ Wonti isani jechu maltani tana: Yo Waaqi jed'e, teenneti waan kanaafi suni tolfanna.

¹⁶ Ammo amma isani ufi guddiftani ufi saaddani; ufi saaditiini tunini ch'ufti fullaaniti.

¹⁷ Tanaafi nami aka waan dansa tolchuchuchu male ufi beekhu, ammo ka waan suni intolchine, ya daba tolche.