Yakobo 3 - KITAABA WAAQA

¹ Oboleyaani tiyya, isaniini nami hedduuni barsiiftu intahiina. Wonti akanatiifi nuu, nama wo barsiisu, seera jaba gula nu qorani.

² Nuuni ch'ufti wollaala heddu tolchina. Nami, waan jed'u keesati, wollaala intolchine qit'e jira, dandae nafa ufi ch'ufa qorqorata.

³ Nu farda lugamna, aka inni nu kassate, fulla feenu ch'ufa geesinu.

⁴ Yokhaani hobolo qaabad'a, isiini waan guddo, ammo mukha diqa tokoti karaati qajeelcha, fulla abbaani fed'u ch'ufa.

⁵ Akasuma arabi ka waan diqa, guddo ufi saada. Aka qanqeeni diqooni toko badda guddo gubdu herega.

⁶ Arabi aka ibida jira, lafa hameennati, nafa keenna keesa, arabi waan waan ch'ufa t'ureesaati; ka waan jireenna keenna ch'ufa ibida nartitiini gubu.

⁷ Wonti akanatiifi bineensa gosa ch'ufatiifi simpirrefi waan lafa ira loha ka bisaani keesa gala ch'ufa illenjisani, ammalle qarayu la lenjisani.

⁸ Ammo nami dandae araba illenjisu, Inni hama, nami indandau, had'aa nama ijeeftu qaba!

⁹ Nu arabaani Aabboofi Abba keennaa galata deebimna, arabuma suniini nama d'ibi abaara, ka fakeenna Waaqa gula uumani.

¹⁰ Afaanuma suni keesaa eebafi abaarsi baha. Oboleyaani tiyya, wonti kuni akasi tahu himmalle!

¹¹ Maddooni bisaani dansaafi hamo fulla taka madditu injirti?

¹² Mukhi odaa mid'aani ejersaa dandae imbaasu, ammalle mukhi zabibu dandae mid'aani odaa imbaasu, yokhaani bisaani soodda kuraooni dandaani imiaani.

Qalbi d'arafi qalbi d'uga

¹³ Nami qalbi qabu ka wo hubatu jiddu teesani jira? inni ha jireenna dansaafi, huji dansaafi, ufi diqeesitifi, qaroomafi qalbi, aka qabu agarsiisuti.

¹⁴ Ammo yo garaa keesani keesa d'iibi hamtuufi ufi jaalala qabaattani, ufi saaddani d'uga ind'areesiina.

¹⁵ Qalbiini akana tunini fulla Waaqati ind'uftu, isiini ta lafaati, ta nafaati, ta Sheet'anaati.

¹⁶ Wonti akanatiifi fulla d'iibifi ufi jaalachaani jirtu, gohannafi huji hamtu aka ch'ufa ind'abani.

¹⁷ Ammo qalbiini gubba gadi d'uftu qara qulqullo, ammalle ta nagaya, ta laana, ta nama ch'aqaftu, ta naasufi mid'aani dansa qabdu, ta tuffifi kiyyiba inqamne.

¹⁸ D'ugaani d'uguma mid'aani worra nagaya ka nagayaani oobreti baasa.