Uumama 46 - KITAABA WAAQA

¹ Yakobooni waan qabu ch'ufa fud'ate Beersheba d'aqe achiti sorio Waaqa abba isaa Isaaqoti baase.

² Waaqi halkani daayya keesa dubbateeni, Yakobo, Yakobo! jed'e yaame. Yaa, anini kuno, Aabbo jed'e owaate.

³ Anini Waaqa, Waaqa abba keetiti; lafa Misiri d'aqu insodaatini; achiti gosa guddo si tolcha.

⁴ Anini gara lafa Misiri si geese hegerile gadi si deebisa gaafa atini doote Yusufuti si awaala jed'eeni.

⁵ Jennaani Yakobooni Beershebaa kae, ilmaani isaa, isaafi ijoolle worraa didiqo, ammalle nad'eeni worrale ch'ufa gaari Faraoni erge yaabachiifte.

⁶ Jennaani worri horifi waan lafa Kanaani keesati horate ch'ufa fud'ate lafa Misiriti godaane. Yakobooni nama isaa ch'ufa ufi gula fud'ate:

⁷ ilmaani isaatiifi akhakhowani isaati, dubra isaale.

⁸ Nami worra Yakobo ka isa woliini lafa Misiriti godaane kana: angafa isaa Reubenifi

⁹ ilmaani Reubeni: Hanoki, Palu, Hesroni, Karmi.

¹⁰ Simeonifi ilmaani isaa: Yemueli, Yamini, Ohadi, Yakini, Sohari ammalle Shauli, ilma niiti gosa Kanaani.

¹¹ Lawifi ilmaani isaa: Gershoni, Kohathi, ammalle Merari.

¹² Yudafi ilmaani isaa: Shela, Peresi, ammalle Zera. (Ilmaani Yuda ta d'ibiini, Erifi Onani lafa Kanaaniti doote.) Ilmaani Peresi Hesronifi Hamuli.

¹³ Isakarifi ilmaani isaa: Tola, Pua, Yashubu, Shimroni.

¹⁴ Zabulonifi ilmaani isaa: Seredi, Eloni, Yaleeli.

¹⁵ Tunini ilmaani Leani Yakoboo d'alte lafa Mesopotamia keesati, intala isii Dina wolti. Ilmaani mana Lea ch'ufti wolti nama sodomi sadi.

¹⁶ Gadifi ilmaani isaa: Sefoni, Hagi, Shuni, Esboni, Eri, Arodi ammalle Areli.

¹⁷ Asherifi ilmaani isaa: Imna, Ishva, Ishvi, Beria, ammalle oboleeti worraa Sera. Ilmaani Beria Heberifi Malkieli.

¹⁸ Kud'ani jaani tunini ilmaani Zilpaani, intalti Labaniini Leaa kenne, Yakobo d'alte.

¹⁹ Niitiini Yakobo ta Raheli jed'ani ilmaani lama d'alteefi: Yusufufi Benjamini.

²⁰ Lafa Misiri keesati Yusufuuni ilmaani lama d'ale, Manaseefi Efraimu; ijoolle tana Asenathi, ta dubra Potifera, ka qaallu lafa Oniti, isaa d'ale.

²¹ Ilmaani Benjamini tana: Bela, Bekeri, Ashbeli, Gera, Naamani, Ehi, Roshi, Mupimu, Hupimu ammalle Ardi.

²² Kud'ani afraani tunini ilmaani Raheliini Yakobo d'alte.

²³ Danifi ilma isaa Hushimu.

²⁴ Naftalifi ilmaani isaa: Yaseeli, Guni, Yaseri, Shilemu.

²⁵ Torbaani tunini ilmaani Bilhaani, intalti Labaniini Rahelii Kenne, Yakobo d'alte.

²⁶ Ilmaani Yakobo, ta lafa Misiriti godaante, nad'eeni worraa male, isiini ch'allaani jaatami jaa.

²⁷ Lafa Misiri keesa Yusufuuni ijoolle lama d'ale, tanaafi worri Yakobo ch'ufti wolti torbatama, ka lafa Misiriti godaane.

Yakobofi worra isaa lafa Misiri keesa

²⁸ Yakobooni Yuda ufi dura erge Yusufuuni, Lafa Gosheniti wolargina jed'e. Worri artini bahe

²⁹ jennaani Yusufuuni gaari ufii yaabate lafa Gosheni abba yoyifachu d'aqe. Wolarginaani Yusufuuni abbaati mamarate guddo bohe.

³⁰ Yakobooni waan Yusufuuni jed'e, Amma yo due womaniti, fuula ke si arge, aka atini jirtu ya beekhe.

³¹ Jennaani Yusufuuni waan oboleyaani isaatiifi worra abba isaa ch'ufaani jed'e, Anini d'aqe waan Faraoni jed'u, Oboleyaani tiyyafi worri abba kiyya ch'ufti, ka duri lafa Kanaani keesa tau, ya nati d'ufe.

³² Worri kunini tissitu; looni, ree ammalle hori waan qabu ch'ufaani ya d'ufate.

³³ Hojja Faraoni isani yaame, Hujiini teesani maani? jed'e isani gaafate,

³⁴ waan jettaniini, Nufi worri keennaleeni haguma d'alanne tissitu horiti. Akanaani inni lafa Gosheni isani teesisa. Wonti Yusufuuni akasi jed'eefi, tissituuni horii aada worra Misiri keesa falfala.