Uumama 45 - KITAABA WAAQA

¹ Yusufuuni hojattu ufii durati ufi d'owu dad'abe jennaani waan jed'eeni, Isani ch'ufti na biraa baha. Tanaafi yo inni oboleyaani isaa ufi beesise, nami tokoleeni isa bira injiru.

² Inni aka taka inargini bohe jennaani worri Misiri ch'ufti d'agaye, oduuni suni mana Faraoleeni baate.

³ Yusufuuni waan oboleyaani isaatini jed'e, Anini Yusufu. Aabbooni d'uguma ammalle injira? Waan kana d'ageennaani oboleyaani isaa mudamte waan jettule d'abde.

⁴ Jennaani Yusufuuni waan jed'eeni, Me gadi hiiqa. Worri iti hiiqe jennaani inni waan jed'eeni, Anini oboleesa keesani Yusufu, ka isani bunat'u lafa Misiriti gurgurtani.

⁵ Waan na gurgurtani amma ilaalefatina, yokhaani wollaali keenna injed'ina. Waaqumati isani dura na erge, aka anini lubbu biyyaa baasu.

⁶ Ganni beela Kanaani wolti lama, shani d'ibiti hafa, ka nami qote imfach'aamne.

⁷ Waaqumati isani dura na erge, aka anini hidda keesani badi d'owe, ilmaani teesani beela iraa haftu.

⁸ Tanaafi Waaqa male, namu asi na inergine. Inni ya abba mala gudda ka Farao na tolche, hojattuuni isaa ch'ufti na jala jirti, finni lafa Misiri ch'ufti harka kiyya keesa jira.

⁹ Amma hurrisa, gara aabbo dachaa waan jettaniini, Wonti ilmi kanke Yusufuuni siini jed'u tana: Waaqi ya gudda lafa Misiri ch'ufa na tolche, inturiini, nati kooti.

¹⁰ Aka nati d'iaattu, lafa Gosheni keesa teetu — sii, ilmaani teeti, akhakhowani teeti, ree teeti, looni keeti, wonti atini qabdu ch'ufti lafa suni teeti.

¹¹ Yo atini lafa Gosheni keesa teete, anini dandae si qorqorad'a, ganni beela shani d'ibiti hafa, anini worra keetifi hori kanke ka beelaani hobau imfed'u.

¹² Amma tana isaniini ch'ufti, atileeni Benjamini, aka anini Yusufu ya argitani.

¹³ Aka anini lafa Misiri keesa irre qabuufi waan agartani ch'ufa aabbooti hima. Duuba hurrisa, isa armaani koota.

¹⁴ Jennaani inni oboleesa ufii Benjamini mamarate bohe, Benjaminileeni akasuma iti mamarate bohe.

¹⁵ Duuba ato bohu jiru, oboleyaani isaa taani ch'ufa ira deeme iti mamarate d'ungate. Eegi suni oboleyaani aka dansaa haasoofteeni.

¹⁶ Oduuni d'ufiisa oboleyaani Yusufu worra Farao geennaani Faraoni hojattuuni isaa gammadde.

¹⁷ Faraoni waan Yusufuuni jed'e, Oboleyaani tanteetiini harrele faad'a, Kanaaniti gala jed'iini.

¹⁸ Abba keesanifi worra keesani ch'ufa fud'ad'a gadi godaana. Duuba fulla lafa Misiri ch'ufa keesa ira dansa isanii kenna, aka isani quuftani gabbattani.

¹⁹ Ammalle waan jettuuni, Gaari horiini hirkisani fud'ad'a, aka ijoollefi nad'eeni teesani yaabatuu; abba keesanile fuud'a, koota.

²⁰ Waan miha keesani iyyaaliina, biyyeeni lafa Misiri keesa ch'ufa ira dansa teesani taati jed'iini jed'e.

²¹ Ilmaani Yakobo akuma jed'aniini taate. Yusufuleeni akuma Faraoni jed'eeni, gaari horiini hirkisufi woreega karale kenneefi.

²² Inni oboleyaani isaa ch'ufa woya haraa kenneefi, ammo Benjamini qarsi d'ibba saditiifi woya haraa shani kenneefi.

²³ Abba isaale harrele kud'ani, ta waan dadansa lafa Misiri baatu, ammalle kud'ani d'ibi, ta mid'aanifi qit'afi woreega karaa baatu ergeefi.

²⁴ Oboleyaani isaa deema kaate jennaani d'aamate waan jed'e, Karaati woli indidina.

²⁵ Duuba lafa Misiriti yaani, lafa Kanaani fulla abbaani jiruuni bahani waan jed'aniini,

²⁶ Yusufuuni ammalle injira, amma isuma lafa Misiri ch'ufa guddaani iti isa. Dubbini suni Yakobo mamsiifte, inni d'ugefachu dide.

²⁷ Ammo waan Yusufuuni jed'e ch'ufa d'agaye ammalle gaari horiini hirkisu, ka isa jed'ani lafa Misiri keesaa ergani arge jennaani mama kaanile baafate waan jed'e,

²⁸ Ya naa geete, ilmi kiyya Yusufuuni ammalle injira, ato induiinu d'aqe isa arga jed'e.