Uumama 37 - KITAABA WAAQA

¹ Yakobooni lafa Kanaani, ta abbaani isaa duri keesa godaane, qubate ke tae.

² Tunini odu worra Yakobo. Yusufuuni, ganna kud'ani torbati, oboleyaani isaa, ilmaani Zilpatiifi Bilha, nad'eeni hojattu, ta abbaani isaa duri fuud'e, woliini ree tissani. Inni waan hamtu oboleyaani isaa taate ch'ufa abbaati hime.

³ Yakobooni ijoolle isaa taani ch'ufa ira Yusufu jaalate; wonti akanatiifi inni jaaruma keesa isa d'ale. Tanaafi inni ubaara d'eera lafati eju, ka harka d'eera qabu, isaa hod'e.

⁴ Oboleyaani isaa aka abbaani isaa worra ch'ufa ira isa jaalatu arginaani isa jibbite dubbi hamtu iti dubbatte.

⁵ Halkani toko Yusufuuni oobjate; waan oobju suni oboleyaani isaati himnaani worri haga qarale ira isa jibbe.

⁶ Inni waan jed'eeni, Oobju anini oobjad'e ch'aqasa.

⁷ Nuuni ch'ufti oobru keesa dargaye haamne mata mataani hid'u jira; jennaani ta anini hid'e taani olqajeelte ejite. Yo ani jed'e, teesani taani tiyya marsite durati gajejette.

⁸ Oboleyaani isaa waan jetteeni, Atini hayyu taate waan nu mohattu seeta? Duuba maro jechaafi oobju isaa tanatiifi haga qara kaanile ira isa jibbite.

⁹ Jennaani ammalle maro lameeso oobjate waan oboleyaani isaatini jed'e, Anini ammalle oobjad'e adufi jiaafi urji kud'ani toko, ta na durati gajettu, arge.

¹⁰ Inni oobju taani abbaafi oboleyaani isaati hime jennaani abbaani loleeni waan jed'eeni, Oobjuuni akasi maani? Atini mala keeti, waan anaafi haatetiifi, oboleyaani tante si durati gajejennu seeta?

¹¹ Oboleyaani Yusufu isa d'iibifatte, ammo abbaani waan kana ch'ufa herege garaa keeyate.

Aka Yusufu gurgurani lafa Misiriti geesani

¹² Gaafa toko ka oboleyaani Yusufu ree Shekemu foorsitu,

¹³ Yakobooni Yusufu yaame waan jed'eeni, Waan taatu, beeni, Shekemu fulla oboleyaani tante ree foorsitu, d'aqi. Yusufuuni, Hayye, ind'aqa jed'eeni.

¹⁴ Abbaani waan jed'eeni, Beeni, waan oboleyaani tanteetiifi reeni teenna ke jirtu laali, deebii, nati himi. Akanaani abbaani bale Hebroniti isa erge, Yusufuuni Shekemuuni bahe.

¹⁵ Ato inni lafa maru, nami toko isa arge waan jed'eeni, Isii gurba, maani barbaada?

¹⁶ Inni waan jed'eeni, Oboleyaani tiyya ta ree foora ke jirtu barbaada. Yo beete, fulla isiini jirtu nati himi.

¹⁷ Namichi kaani waan jed'eeni, Anini worra, Dothani godaanna jed'u d'agaye. Ya godaanani, achi laali. Duuba Yusufuuni faana deeme Dothaniti worra d'aqabe.

¹⁸ Ato inni gama gadeemu, oboleyaani isaa agarte durati ijeecha

¹⁹ mariatte waan woliini jette, Oobjataani kaani ya d'ufe;

²⁰ koota, ijeemne reefa isaa boola tana toko keesa buumna; duuba, Bineensati nyaate jenna. Akanaani waan oobjuuni isaa d'ooftu ingarra.

²¹ Reubeniini mari worra d'agaye isa lubbu baasu fed'e waan jed'e, Koota lubbu inijeemnu,

²² ammo boola tana keesa buumna, aka d'iigi isaa harka keennaani imbuune. Wonti inni akana jed'eefi, aka sila isa harka worra keesaa baase abbaati ergu.

²³ Yusufuuni oboleyaani isaatini bahe jennaani worri isa qabe ubaara isaa d'eera kaani iraa baase,

²⁴ eela bisaani inqamne gogeesa keesa buuse.

²⁵ Ato sagale nyaachu jiranu, worri worra gosa Ishmaeli, ka lafa Gileadi lafa Misiriti bunaqaa yau arge. Gaali worraa qumbi, fit'o, qayya baata.

²⁶ Yudaani waan oboleyaani isaatini jed'e, Maani nuu baati, yo oboleesa keenna ijeemne d'iiga isaa d'ossinu?

²⁷ Koota, fulla akasi worra Ishmaeli kanati gurgurra. Innileeni oboleesuma keenna, d'iigumafi fooni keenna, wonti nu isa ijeemnuufi injirtu. Oboleyaani isaa, Ee jette isa gula deebite.

²⁸ Bunat'uuni gosa Midiani d'ufte jennaani Yusufu boola keesaa fuud'ani qarsi diddamati worra gosa Ishmaeliti gurgurani; duuba worri Yusufu fud'ate lafa Misiritiini gale.

²⁹ Reubeniini eela kaaniti deebie jennaani Yusufu keesaa d'abe laalefate woya ufira tatarsaase

³⁰ oboleyaani ufiiti deebie waan jed'eeni, Gurbaani achi injiru, anini amma maani taha?

³¹ Duuba worri laleesa toko qale d'iiga qeese ubaara Yusufu ke buuse.

³² Ubaara harka d'eera kaani abba isaaniti geesani waan jed'aniini, Ubaara kana lafaa fuune, ka much'a keeti mo?

³³ Inni hubate waan jed'e, Ee, ka gurba kiyya! Bineensa alati isa nyaate, gurba kiyya Yusufu ya bineensi gargari ch'ire.

³⁴ Yakobooni laalefate woya ufii tarsaase ch'arqi naqate guyya heddu ilma isati bohe.

³⁵ Ijoolleeni isaa, Iraa hafi jetteeni, ammo inni iraa hafu dide waan jed'e, Haga due boola seenuti anini isaa inuma boha. Duuba boha lakisu dide.

³⁶ Haga inni akasuma bohu, worri gosa Midiani kaani Yusufu Misiri keesati Potifati gurgurate. Potifaani suni huji Farao keesa jira, askartiini mana Farao eeddu ch'ufti isa jala jirti.