Uumama 36 - KITAABA WAAQA

¹ Kunini d'aloota Esau, ka maqaani isaa d'ibiini Edomu.

² Esauuni nad'eeni gosa Kanaani fuud'e: Ada, ta dubra Eloni, ka gosa Hiti; Oholibama, dubra Ana, ilma Sibeoni, ka gosa Hivi;

³ Basemathi, dubra Ishmaeli, oboleeti Nabayothi.

⁴ Adaani Elifazi Esauu d'alte; Basemathiini Reueli d'alte.

⁵ Oholibamaani Yeushi, Yalamu ammalle Kora d'alte. Tuni ch'ufti ilmaani Esau, ta lafa Kanaani d'alatte.

⁶ Jennaani Esauuni nad'eeni isaatiifi ijoolle isantiifi nama worra isaati galu ch'ufa fud'ate, loonifi hori lafa Kanaaniti horate ch'ufa fud'ate, oboleesa isaa biraa kae fulla d'ibiti godaane.

⁷ Wonti inni godaaneefi, waan lafti isaafi Yakobooni keesa jirani iti d'ipatteefi. Horiini worraa gudda, tanaafi woliini yau dad'abani.

⁸ Esauuni (akasi jechaani Edomu), lafa gaareeni ta Seiri taa.

⁹ Kunini d'aloota Esau, abba gosa Edomu

^10-13 Adaani Esau ilma toko, ka Elifazi jed'ani, d'alteefi. Elifazini ilmaani shani qaba: Temani, Omari, Sefo, Gatamu, ammalle Kenazi. Niitiini d'ibiini, ta Timna jed'ani, ilma d'ibi, ka Amaleki jed'ani, d'alteefi. Niitiini Esau, ta Basemathi jed'ani, ilma toko d'alteefi, ka maqaani Reueli; innileeni ilmaani afuri qaba: Nahathi, Zera, Shama ammalle Miza.

¹⁴ Niitiini Esau, ta Oholibama jed'ani, ta dubra Ana, ilma Sibeoni, ilmaani sadi d'alteefi: Yeushi, Yalamu ammalle Kora.

¹⁵ Gochiti Esau iraa horte tana: angafi Esau, ka Elifazi jed'ani, abba gosa tana: Temani, Omari, Sefo, Kenazi,

¹⁶ Kora, Gatamu ammalle Amaleki. Tunini ch'ufti d'aloota Esau, ta Adaani isaa d'alte.

¹⁷ Gochiti tuni Reueli, ilma Esau, iraa horte: Nahathi, Zera, Shama ammalle Miza. Jari kunini ch'ufti nama Basemathiini niitiini Esau horte.

¹⁸ Gochiti tunini ch'ufti niiti Esau, ta Oholibama jed'ani, ta dubra Ana, iraa baate: Yeushi, Yalamu ammalle Kora.

¹⁹ Gochiti tunini ch'ufti Esau iraa horte.

D'aloota Seiri

^20-21 Worri duri lafa Edomu keesa tau gosa gosati gargari qoodame. Gochiti tunini ilmaani Seiri, ka gosa Hori, iraa horte: Lotani, Shobali, Sibeoni, Ana, Dishoni, Eseri ammalle Dishani.

²² Balbalti Horifi Hemamu Lotani iraa horte. (Oboleetiini Lotani Timna.)

²³ Balbalti Alvani Manahathi, Ebali, Shefo ammalle Onamu ch'ufti Shobali iraa horte.

²⁴ Sibeoniini ilmaani d'iira lama qaba, Ayafi Ana. (Anaani kunini ka madda bisaani owitu yaatu arge, ato harre abba isaa tissu.)

^25-26 Anaani abba Dishoni, ka balbalti Hemdani, Eshbani, Ithrani ammalle Kerani iraa horte. Analeeni intala dubra, ta Oholibama jed'ani, qaba.

²⁷ Balbalti Bilhaani, Zaawani ammalle Akani Eseri iraa horte.

²⁸ Balbalti Usifi Arani Dishani iraa horte.

^29-30 Gochiti Hori, ta lafa Edomu keesa teetu, tana: Lotani, Shobali, Sibeoni, Ana, Dishoni, Eseri ammalle Dishani.

Hayyoota Edomu

^31-39 Gaafa duri Israeliini hayyu inqamne, hayyooti tunini ch'ufti lafa Edomu woli gula aante fidde: Bela, ilma Beori, ka dira Dinhaba Yobabu, ilma Zera, ka Bosraa d'ufe Hushamu, ka lafa Temani Hadadi, ilma Bedadi, ka Avithi d'ufe (inni gosa Midiani lafa Moabu keesati had'e dabsate) Samla, ka Masrekaa d'ufe Shauli, ka dira Rehobothi, ka d'aatu galaana jiru Baal-Hanani, ilma Akbori Hadai, ka Pauu d'ufe (niitiini isa Mehetabeli; isiini dubra Matredi, ta dubra Mezahabu).

^40-43 Gochiti Edomu tunini ch'ufti Esau iraa horte: Timna, Alva, Yethethi, Oholibama, Ela, Pinoni, Kenazi, Temani, Mibsari, Magdieli, Iramu. Ardaani gochiti tuni ch'ufti keesa teetu maqa worratiini beekhame.