Uumama 34 - KITAABA WAAQA

¹ Guyya toko Dina, intalti Yakobofi Lea, imaltu gara nad'eeni gosa Kanaani d'at'e.

² Duuba gurbaani toko, ka Shekemu jed'ani, ka ilma namicha gudda lafa suni, ka gosa Hivi, ka Hamori jed'ani, isi arge jennaani qabe buufate.

³ Ammo intalti sunini guddo mid'aadi arge jennaani jaalate isi dubbifate,

⁴ waan abbaani jed'e, Anini aka atini intala Yakobo na kad'attu fed'a.

⁵ Yakobooni aka intala isaa fafeesani d'agaye, ammo maro ijoolleeni isaa ala tikha jirtuufi woma tokole tolchu dide, haga isiini galtuti.

⁶ Abbaani Shekemu Hamoriini Yakobooni haasau d'aqe.

⁷ Ijoolleeni Yakobo ala galte waan hammaate d'ageennaani aka hama rifatte guddo dallante, waan Shekemuuni intala worra buufate gosa Israeli miid'eefi.

⁸ Hamoriini waan Yakobooni jed'e, Gurbaani kiyya Shekemuuni ya guddo intala tante jaalate, anini si kad'ad'a intala naa kenni.

⁹ Koota, wold'ageenna, aka nu dubra teesani fuune, isanileeni dubra teenna fuutani.

¹⁰ Duuba isanileeni lafa teenna keesa fulluma feetani nagayaani teetani, aka feetani dilaaltani horile horattani.

¹¹ Shekemuuni waan abba Dinatiifi oboleyaani isiitiini jed'e, Waan kana naa tolcha, duuba anileeni waan isani feetani isanii tolcha.

¹² Waan feetani nati himad'a, ammalle hori qarat'a ka anini isanii baasu, haguma feetani nati himad'a; anini waan isani feetani ch'ufa isanii kenna, yo isani intala teesani ch'alla nati gurgurtani.

¹³ Ilmaani Yakobo, waan Shekemuuni oboleeti worra Dina fafeeseefi, Shekemufi abba isaa Hamori sobde lafaa balleesite.

¹⁴ Waan worri jed'eeni, Oboleeti teenna nami qabanqaba inqabatini imfuud'u; sunini nuu waan ch'eeraati.

¹⁵ Yo isani qabanqaba qabattani aka keenna taatani ch'alla intala teenna fuutani,

¹⁶ nuleeni teesani fuuna. Nu woluma keesa qubanne nama takaa taana.

¹⁷ Yo isani dubbi teenna diddani qabanqaba qabachu baattani, nu intala teenna fud'anne isani iraa godaanna.

¹⁸ Hamorifi gurbaani isaa Shekemuuni dubbi tana maachani,

¹⁹ duuba gurbaani hojuma suni gale, waan intala Yakobo jaalateefi, waan Tahi jed'aniini ch'ufa tahe. Inni worra isaani keesa guddo gurra qaba.

²⁰ Hamorifi ilmi isaa Shekemuuni fulla fullo dira suni d'aqani waan biyyaani jed'ani,

²¹ D'iiro, worri kuni worra nagayaati, ha lafa teenna keesa taani fulla fed'ani godaanani. Lafti ballo, wolti nuu geeti. Koota, dubra worra fuune, worrileeni ha teenna fuud'u.

²² Yoi worri kuni nu woliini tae nu worra taka taanu, yo nuleeni, aka worra, nama d'iira ch'ufa, qabanqaba qamnuufi.

²³ Hori worraatifi wonti worri qabu ch'ufti teenna intaatu? Koota, wold'ageenna, aka worri nu woliini tau.

²⁴ Worri lafa suni ch'ufti dubbi Hamoritiifi gurba isaa gula gale, nama worra ka d'iira ch'ufa qabanqaba qabani.

²⁵ Guyya sadeeso, ato madaani kolaante jiitu, ilmaani Yakobo ta oboleyaani Dina lama, Simeonifi Lawiini, goraade guuratte d'ossaani dira suni duudde, nama d'iira ch'ufa fit'e,

²⁶ Shekemufi abba isaale. Duuba Dina mana Shekemu keesaa fuud'ani itiini d'aabatani.

²⁷ Nami d'iira ch'ufti hobaanaani ilmaani Yakobo dachaate dira suni soqatte, waan ch'ufa guuratte, aka haalo oboleeti worra ta fafeesani baaftu.

²⁸ Ree, looni, harrefi waan dirafi oobru keesati argani ch'ufa fud'atani.

²⁹ Waan worri qabu ch'ufa fud'atani, nad'eenifi ijoolle boojiani, waan mana keesati argani ch'ufa itiini d'aabatani.

³⁰ Yakobooni waan Simeonifi Lawiini jed'e, Ya gaargala natiini d'uftani; amma tana maqa kiyya ya gosa Kanaanitiifi gosa Perizitiifi nama ch'ufa ka lafa tana keesa jiruti ajeesitani. Nami kiyya diqa; yo worri kuni ch'ufti kalchaani na had'e, worra keenna ch'ufa imballeesani.

³¹ Ammo worri waan jed'eeni, Nu nama oboleeti teenna aka sharmut'a iti tabatu iti lakimna?