Uumama 30 - KITAABA WAAQA

¹ Raheliini aka ijoolle tokole Yakobo ind'alle agarraani oboleeti isii d'iibifatte waan Yakobooni jette, Ijoolle naa kenni, yokhaani indua.

² Yakobooni Raheliti dallane waan jed'eeni, Anini Waaqa qara, ka d'alu si d'owe?

³ Jennaani isiini waan jetteeni, Hojattu tiyya Bilha barad'i, aka anini isiini ilme argad'e haad'a ilmaanii tahu.

⁴ Duuba isiini Bilha d'iirsa ufiti kennite, inni isi barate.

⁵ Bilhaani garaachoofte Yakoboo ilma d'alte.

⁶ Raheliini waan jette, Waaqi ya naa dubbate kad'acha tiyya d'agaye ilma naa kenne; tanaafi isiini gurba maqa Dani baafteefi.

⁷ Hojattuuni Raheli ta Bilha jed'ani ammalle garaachoofte ilma lameeso d'alteefi.

⁸ Jennaani Raheliini waan jette, Anini had'e dabsad'e; tanaafi maqa much'a kana Naftali baafteefi.

⁹ Leani aka guddo deemte agarte jennaani hojattu isii, ta Zilpa jed'ani, Yakobooti kennite, Niiti tolfad'u jette.

¹⁰ Jennaani Zilpaani Yakoboo ilma d'alte.

¹¹ Leani waan jette, Anini ayyaana qaba; tanaafi isiini Gadi jette maqa baafteefi.

¹² Zilpaani ilma lameeso Yakoboo d'alte

¹³ jennaani Leani waan jette, Anini guddo gammachu qaba! Amma tana nad'eeni, Gammadu machooftu naani jetti; tanaafi isiini maqa Asheri baafteefi.

¹⁴ Duuba gaafa toko ka dargaye murani, Reubeniini gara oobru d'aqe mukha qorsa toko guure haad'atiini gale. Raheliini waan Leani jette, Qorsa much'aani kanke galeeni suni ira naa qoodi.

¹⁵ Leani waan jetteeni, D'iirsi kiyya ka qara atini naraa fud'atteleeni sii ingeenne, aka amma gula dabarte qorsa mukha ka much'aani kiyya naa galeenile naraa fud'achu feeta? Raheliini waan jette, Yo atini mukha qorsa ka gurbaani ke sii galeeni naa kennite, anini ya si eebise aka atini eddanna Yakobo woliini raftu.

¹⁶ Galgala Yakobooni oobruu gale jennaani Leani fuula keesa deemte waan jetteeni, Anini ya mukha qorsa ka much'aani kiyya galeeniini si bitad'e, halkani kana atini mana kiyya bulta, beekad'u. Tanaafi Yakobooni halkani suni fulla isii bule.

¹⁷ Waaqi kad'acha Lea d'agaye, isiini garaachoofte ilma shaneeso Yakoboo d'alte.

¹⁸ Leani waan jette, Waaqi ya waan anini hojattu tiyya d'iirsa kiyyaa kenneefi galata naa deebise; tanaafi isiini maqa ilma isii suni Isakari baafteefi.

¹⁹ Leani ammalle garaachoofte ilma jaeeso Yakoboo d'alte

²⁰ waan jette, Waaqi ya na eebise waan dansa naa kenne; amma d'iirsi kiyya na ulfeesa, waan anini ilmaani d'iira jaa d'aleefi; tanaafi isiini maqa isaa Zabuloni baafteefi.

²¹ Eegi suni dubra d'alte maqa Dina baafteefi.

²² Jennaani Waaqi Raheli qaabate kad'aa isii d'agayeefi ijoolle kenneefi.

²³ Isiini garaachoofte ilma d'alte waan jette, Waaqi ya fafa na didi ilma naa kenne.

²⁴ Duuba maqa isaa Yusufu baafte waan jette, AABBO Waaqii ilma d'ibi naa darinna.

Aka Yakobofi Labaniini wold'aqani

²⁵ Eegi Raheliini Yusufu d'alte, Yakobooni waan Labaniini jed'e, Worra keennati galu fed'a, naa eebisi, na gad'iisi.

²⁶ Nad'eenifi ijoolle tiyya ta anini si hojad'e argad'e naa kenni, na gad'iisi. Atini imbeeta, aka anini aka dansaa sii hojad'e.

²⁷ Ammo Labaniini waan jed'eeni, Anileeni jecha toko qaba; anini ya faalaani arge aka AABBO Waaqi sii jed'e na eebise na horsiise.

²⁸ Duuba waan feetu himad'i, sii baasa.

²⁹ Yakobooni waan jed'eeni, Aka anini ree tante tisse jabeese, isiini harka kiyya keesati horte, atini imbeeta.

³⁰ Gaafa anini qara d'ufe horiini kanke diqa, amma ya horte deebante, AABBO Waaqileeni fulla anini hori keetiini bahe ch'ufati ya si eebise. Amma hojaani tiyya ta anini ufi gula bahu male.

³¹ Labaniini waan jed'e, Maani sii baasa? Yakobooni waan jed'e, Woma tokole naa imbaasini. Yo atini herega kiyya kana ee jette, anini ree tante inuma tissa:

³² arra ree tante keesa deeme ilmoole hoola guguraatiifi ta laleesa shaafa keesaa filad'a, wonti atini naa baaftu haguma suni ch'alla.

³³ Takaa tana d'arafi d'uga tiyya hureti hubatta, hojja waan naa baaftu ilaalu d'uftu. Yo atini hooliye guguraatiifi laleesa shaafa male waan d'ibi narati garte, suni hanna nati heregi.

³⁴ Labaniini waan jed'e, Ha taatuti, jecha kanke gula baana.

³⁵ Guyyuma suni Labaniini laleesa kormafi d'ala shaafafi kalaadicha keesaa fohe; ammalle hooliye guguraatile ch'ufa fohe harka ilmaani isaa ta d'iirati kenne.

³⁶ Jennaani Yakobo biraa kae godaana guyya sadi godaane fago qubate. Yakobooni ree Labani ta iraa hafte taani tisse.

³⁷ Yakobooni dame jiitu mukha sadi, ka aka qiltafi dambifi abratu jiru, iraa ch'ire, qunch'e fulla gari iraa ququnch'ise, aka fullaani ira qunch'isani sunini barru taatu.

³⁸ Yakobooni dame taani guure fulla naaniga naqe; wonti inni akasi tolcheefi, reeni yo bisaani d'ugu d'uftu artiti wolti goobdi.

³⁹ Duuba laleesi hojja dame suni birati woli rimse ilmoole shaafafi kalaaditi d'ala.

⁴⁰ Yakobooni hooliye laleesa keesaa fohe fuula gara ree Labani ta bifa guraatiifi shaafa deebise, kara kanaani ree ufi heddefate ta Labani ira kobaa baase.

⁴¹ Yo reeni qoortiini wolti goobdu ch'ufa Yakobooni dameele taani guure fulla naaniga ree dura naqe, aka isiini artiti wolti goobdu;

⁴² ammo ree ayuna dura innaqu. Kara kanaani reeni Labani ch'ufti ayuna ch'alla taate ammo ta Yakobo qoorti qofa taate.

⁴³ Akanaani Yakobooni dureesa jaama tahe, ree, hojattu, gaala, harrele hore.